2 Tim. 1:1 - Ebaibul

¹ Ayoŋ Paulo ekiyakia a Yesu Kristo, aŋuna ka acamit a ŋina ka Akuj, ŋolo ekeyakitae akisera akiyar ŋina ikimori iwon anakimorikina ka Kristo, ŋina abu Akuj ikiik iwon

2 Tim. 1:1 Iomraidhean Croise

Yoa. 10:28

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Yoa. 6:54

Ŋini imuji akaakuwan, tomat ŋaokot kaŋ, eyakar iŋes akiyar ŋina nyedaun, abuni ayoŋ akiteyarun iŋes Akoloŋit ŋina esidyon.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

1 Ŋikor. 1:1

Ayoŋ Paulo ŋolo akanyarau Akuj aŋuna ka acamit keŋ aruwor ekiyakia ŋolo a Yesu Kristo ka Sostene lokaato yok,

2 Ŋikor. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka acamit a ŋina ka Akuj ka Timoteo lokaato yok, ikigirit abaruwa na neni ka atukot a Ŋikristo a ŋina eyai Korinto ka lotuŋa ŋulu ka Akuj ŋulu eya Akaia daadaŋ.

2 Ŋikor. 1:20

Anerae aryamut ŋakiikineta daadaŋ ŋuna ka Akuj “Ee” kec aneni a Yesu. Iŋes nai ikilimununuyo alotooma Yesu Kristo atemar “Amen” apaki daadaŋ ŋina ipurore Akuj.

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

1 Tim. 6:19

Alopite a lo, iŋadakinete ikes aŋuna kec ebari ŋolo a kire ŋolo a rwanu, ido eryamunete akiyar ŋina erae akiyar kire.

2 Tim. 1:10

nai tokona adau akisileerekin neni yok anabunore a ŋina ke Ekaiunan yok Yesu Kristo. Adau Kristo akiloun atwanare ka adau akisileereun alotooma Ŋakiro ŋuna Ajokak akiyar ŋina nyetwakere.

2 Tim. 1:13

Kiric ejok ŋakiro ŋuna a kire ŋuna abu ayoŋ eketatam iyoŋ ananupit ka anamina ŋuna erae ŋuna yok alotooma akimorikina ka Yesu Kristo.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

2 Tim. 2:3

Todaŋ ŋican ikwapei ekajion ŋolo ajokan ŋolo a Yesu Kristo.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Tito 1:4

Egirit ayoŋ neni kon Tito, a ŋolo irae lokoku kaŋ ŋolo a kire ananupit a ŋina ikimori ayoŋ ka iyoŋ. Toyai neni kon ajokis ka ekisil aneni ka Akuj Papa ka aneni a Yesu Kristo Ekaiunan yok.

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

1 Yoa. 2:25

Ibore ŋini ikiinit Lokoku iwon iŋes en: akiyar ŋina nyedaun.