2 Sam. 9:6 - Ebaibul

⁶ Ani ebuni Mepiboses lokoku a Yonasan a ŋolo arae lokoku a Saul neni a Daudi, Kijuuru alokiŋaren Daudi itopoloorit Daudi. Tonyara Daudi iŋes tema, “Mepiboses!” Toboŋok iŋes tema, “Ayai, ayoŋ lo eketiyan kon.”

2 Sam. 9:6 Iomraidhean Croise

Akisy. 18:2

Kikeu Aburaam ereet keŋ, kiŋolik ŋikilyok ŋiuni ewuasi aneni aapi, kedau akiŋolikin ikes, tokuraun alopuke a eema, toem kisiryam ikes, toryedik, kijuuru.

Akisy. 33:3

Eŋarenikinit Yakob ikes daadaŋ, toryedik alokwap ŋaryediket ŋakanikaarei akidol ŋina aapiyarya neni ke Esau alokaato keŋ.

2 Sam. 1:7

Ani iŋoliuni Saul kaku, ekeŋolik ayoŋ, ido okonyar ayoŋ. Abu ayoŋ ei otema, ‘Ayai ekapolon.’

2 Sam. 16:4

Tema nai erwosit neni a Siba, “Ibore daadaŋ ŋini erae ŋini a Mepiboses, eruwor ŋini kon tokona.” Tema Siba, “Arae ayoŋ eketiyan kon, kimyekinae ayoŋ oruwor ŋolo ajok aneni kon ekapolon kaŋ erwosit.”

2 Sam. 21:7

Nai abu erwosit nyipoto Mepiboses lokoku a Yonasan a ŋolo arae lokoku a Saul. Aponi iŋes nyeari aŋuna ka akikoŋet a ŋina aris Yonasan lokoku a Saul ka Daudi kikoŋ make alokiŋaren Ekapolon.

2 Sam. 4:4

Ayakar Yonasan lokoku a Saul ikoku keŋ ŋinisapat ŋini aŋwalito ŋakejen. Aŋwali iŋes erae ŋikaru ŋikan, apaki ŋina adolunioto ŋakiro alo Yesireel atemar aari Saul ka Yonasan. Kebu aberu ŋina erae akedaran iŋes toporunio iŋes toemya, nai anakikirikira kec akiem, kebu ikoku toramakin kwap towana, toŋwal. Arae ekiro a ikoku a ŋin Mepiboses.

2 Sam. 9:5

Kiyakiya nai erwosit iŋes aomere lokoku a Yonasan alokai a Makir alokoku ka Amiel a ŋina ayai Lodebar.

1 Ŋakiro a ŋirwa 8:34

Touru Yonasan Merib-Baal, ŋolo abu touru Mika.

1 Ŋakiro a ŋirwa 9:40

Touru Yonasan Meri-Baal ŋolo abu touru Mika.

1 Sam. 20:41

Arotokin edya bon, tonyouni Daudi alodiyete ataaba, toryedik alokiŋaren Yonasan ŋaryediket ŋauni ijuureene todol ereet kwap. Ekaku aŋun, tonuwakinos ikes kaapei, kikalout kaapei nai abu Daudi kigwor akilo Yonasan.

1 Sam. 25:23

Ani iŋolikini Abigail Daudi, todoku atipei alosigirya keŋ, toryedik alokiŋaren a Daudi, kijuuru todol ereet kwap.