2 Sam. 9:11 - Ebaibul

¹¹ Tema nai Siba neni a erwosit, “Alotooma ŋakiro daadaŋ ŋuna ikicik iyoŋ ayoŋ eketiyan kon, Ekapolon kaŋ erwosit, etiyae ayoŋ eketiyan kon ŋun.” Kisyak Mepiboses akimuj alomesa a ŋolo emujia Daudi, ikwapei epei a ŋidwe a ŋulusapa a erwosit.

2 Sam. 9:11 Iomraidhean Croise

2 Sam. 15:15

Temasi ŋulu epukatotor erwosit, “Erwosit, isua ŋiketiyak kon, ikitenit akitiya daadaŋ ŋuna ilimuni iyoŋ ekapolon kosi.”

2 Sam. 19:17

Arukito iŋes ka ŋituŋa ŋulu alo Benjamin aliput. Apotu Siba daŋ ŋolo arae eketiyan alore a Saul kiwonyakis kaapei ka ŋidwe keŋ ŋulusapa ŋitomon ka ŋikan ka ŋiketiyak keŋ ŋatomoniarei, totiyaaros Yorodan neni ayai erwosit.

2 Sam. 19:24

Abu Mepiboses daŋ lopapait a Saul totiyaar tolot akisiryam erwosit. Nai ameun akoloŋit ŋina arotokinio erwosit alo Yerusalem, kebu Mepiboses nyiloŋa ŋakejen keŋ, kori nyebanyu epenek keŋ, kori nyilota ŋilowi keŋ. Abu iŋes kitiya ŋun ameun akoloŋit ŋina arotokinio erwosit alo Yerusalem akitodol akoloŋit ŋina aboŋunio erwosit ejok.

2 Sam. 19:26

Toboŋok iŋes tema, “Ekapolon kaŋ, okoe erwosit, iyeni robo ca iyoŋ atemar aŋwalit ayoŋ, abu eketiyan kaŋ okomodik ayoŋ, anerae abu ayoŋ eketiyan kon olimok iŋes ebe, ‘Toenik esigirya aŋuna kaŋ, ikotere ayoŋ amyari orukosi ka erwosit.’ Nai abu Siba eketiyan kaŋ ekesipiyo ayoŋ akitiya ŋun.

2 Sam. 9:10

Eruwor iyoŋ ka ŋidwe kon ŋulusapa ta ŋiketiyak kon itaanakinete iŋes emanikor, ido tolemikis iŋes akimuj alomanikor a ŋol, ikotere lopaapit a ekapolon kon eryamuni ibore ŋini imuji. Nai erubakini Mepiboses lopapait a ekapolon kon ikimuji kaapei ka ayoŋ alomesa ke epei a ŋinakoloŋit,” Apaki ŋin, ayakar Siba ŋidwe keŋ ŋulusapa ŋitomon ka ŋikan ka ŋiketiyak ŋatomoniarei.

2 Sam. 9:12

Ayakar Mepiboses ikoku ŋinisapat ŋini anyaritae Mika, ido arae ŋituŋa daadaŋ ŋulu eboiyete alokai a Siba ŋiketiyak a Mepiboses.

2 Sam. 9:13

Toruwor Yerusalem eboiyo Mepiboses, anerae arae lomesa ŋolo emujia erwosit emujiananaa Mepiboses a ŋinakoloŋit. Arae Mepiboses ituŋanan ŋini aŋwalito ŋakejen daadaŋ.