2 Sam. 9:10 - Ebaibul

¹⁰ Eruwor iyoŋ ka ŋidwe kon ŋulusapa ta ŋiketiyak kon itaanakinete iŋes emanikor, ido tolemikis iŋes akimuj alomanikor a ŋol, ikotere lopaapit a ekapolon kon eryamuni ibore ŋini imuji. Nai erubakini Mepiboses lopapait a ekapolon kon ikimuji kaapei ka ayoŋ alomesa ke epei a ŋinakoloŋit,” Apaki ŋin, ayakar Siba ŋidwe keŋ ŋulusapa ŋitomon ka ŋikan ka ŋiketiyak ŋatomoniarei.

2 Sam. 9:10 Iomraidhean Croise

2 Sam. 16:3

Kiŋit erwosit Siba tema, “Ai eyai lopapait a ekapolon?” Toboŋok Siba erwosit tema, “Idoŋit iŋes Yerusalem aŋuna etamya ebe, ‘Ekenyakakinete ayoŋ ŋituŋa a Isirael apukan ŋina paaran arae ŋina a papaa kaŋ.’”

2 Sam. 19:18

Todokasi ikes alodoket a anaŋolol toloto ekekwaye, kiŋarakis ŋituŋa a ekal a erwosit akitodokun ka kitiyata daadaŋ ŋuna acamit erwosit ikes kitiyata. Ani eapuuni Daudi akidok Yorodan, abu Simei lokoku a Gera toryedik alokiŋaren erwosit alokekwat a ŋolo ayai.

2 Sam. 19:28

Amaikina tomunyarae ŋituŋa a ekal a papa kaŋ daadaŋ alokiŋaren kon, ekapolon kaŋ; nai ibu iyoŋ ikituruwo ayoŋ epei a ŋulu emujete alomesa kon. Anipedor tokona ayakar ayoŋ, ŋina apedorya akimaimaya erwosit?”

2 Sam. 21:7

Nai abu erwosit nyipoto Mepiboses lokoku a Yonasan a ŋolo arae lokoku a Saul. Aponi iŋes nyeari aŋuna ka akikoŋet a ŋina aris Yonasan lokoku a Saul ka Daudi kikoŋ make alokiŋaren Ekapolon.

2 Sam. 9:7

Tema Daudi neni keŋ, “Nyikuryaniar, anerae akarimaanikini ayoŋ iyoŋ aŋuna a Yonasan a papa kon ekenyakakini ayoŋ iyoŋ akwap a papaa kon a Saul daadaŋ, ido ikimuji iwon kaapei alomesa ke epei a ŋinakoloŋit.”

1 Ŋirw. 2:7

Kitoodiu arimao kon neni a ŋisapa a Barisilai a ŋolo alo Gilead, kimyek ikes toruwor ŋipei a ŋulu imujete ka iyoŋ alomesa kon, anerae apotu ikes ekesiryamut ayoŋ apaki ŋina aemitor neni alokaato kon Abusalom.

2 Ŋirw. 25:29

Aŋun abu Yeoiakim tolaca tari ŋilowi keŋ ŋulu sek alomabus ka abu toruwor ŋolo emujenene alokai ke erwosit jwi jwi anakiyar keŋ a daadaŋ.

Yer. 52:34

Abu erwosit a Babilon inanak Yeoiakim ŋisiliŋa ŋidi a ŋinakoloŋit, ikotere iŋarakinor ŋirwa daadaŋ ŋulu eboiyo iŋes alo Babilon akitodol akoloŋit ŋina atwania iŋes.

Luk. 14:15

Ani iirari ipei a ŋulu emujete ka Yesu ŋakiro ŋun, tolimok iŋes Yesu tema, “Erereŋ nooi ŋulu iboikinosi kimuja a Napukan ka Akuj!”