2 Sam. 8:6 - Ebaibul

⁶ Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

2 Sam. 8:6 Iomraidhean Croise

2 Sam. 10:19

Ani eanyunete ŋirwosi daadaŋ ŋulu ariito ka Adadeser atemar elout Ŋisirael ikes, apotu kisila ka Ŋisirael, toruwor Ŋisirael epukato ikes. Aŋun, apotu Ŋiarameani tokuryaketa akiŋarakin Ŋiamoni nabo.

2 Sam. 23:14

Ayai Daudi apaki ŋin naturukan ŋina a emoru, toyai ajore a Ŋipilistin Betelem.

2 Sam. 3:18

Kisiyookisi nai tokona ŋakiro ŋun; anerae iikinit Ekapolon Daudi ŋakiro nu ebe, ‘Neni a Daudi a eketiyan kaŋ, iŋes aiunia ayoŋ ŋituŋa kaŋ Ŋisirael aneni a Ŋipilistin ka alomoe kec a daadaŋ.’”

2 Sam. 5:10

Kiyata a ŋinakoloŋit agogoŋu a Daudi, anerae arukito Ekapolon Akuj ŋina a ŋajoresyo ka Daudi.

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

2 Sam. 8:14

Kisiboik nai Daudi ŋasigarya keŋ Edom daadaŋ. Toruwor Ŋiedomi daadaŋ ŋiketiyak a Daudi. Inak Ekapolon Daudi akilounun ŋimoe keŋ aneni daadaŋ abunio iŋes kitijikinio ikes.

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

2 Sam. 8:7

Toŋatu Daudi ŋaupala ŋuna ke egolid ŋuna atiŋito ŋasigarya ka Adadeser. Yau Daudi ŋaupala ŋun Yerusalem.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

2 Ŋirw. 1:1

Ekaku ketwana erwosit Aab, apotu ŋituŋa ŋulu ka akwap a Moab toŋero Ŋisirael.

2 Ŋirw. 14:28

Ŋiticisyo a Yeroboam a ŋolo a ŋiarei ŋuluce daadaŋ ka daadaŋ ŋuna etiyae iŋes ka ŋuna a arwonu keŋ ta epite ŋolo ademunia iŋes ŋituŋa a Yudaya ŋitaunio Damasko ka Amas, igiritae lokitaabo ŋolo ŋakiro a ŋirwosi a Isirael.

2 Ŋirw. 18:7

Arukito Ekapolon ka iŋes. Ŋuna daadaŋ abu kitiya, abu kitiya ejok nooi. Abu Esekia toŋer erwosit ŋolo ka Asiriya towou daŋ akitiyanakin iŋes.

2 Ŋirw. 3:4

Abarit Mesa erwosit a Moab ŋamesekin. Atacenene iŋes erwosit a Isirael ocur a ŋikaalei a ŋamesekin ŋulu arae ŋalipyo amiat ka ŋajul a ŋimesekin a ŋulu arae ŋalipyo amiat.

1 Ŋakiro a ŋirwa 18:13

Torwoniar Daudi nooi kedau aboŋun alojie a ŋolo aarya Ŋiedomi ŋalipyo ŋatomon ka ŋikanikauni anakadipaalat a ŋina ka Acumbi.

2 Ŋakiro a ŋirwa 17:2

Kiwuak ŋasigarya keŋ lotaunio a Yudaya daadaŋ ŋulu aya ŋaduketa ŋunajiet, kiwuak ŋasigarya nakwap ka lotaunio ŋulu anakwap ke Epuraim ŋulu sek kebu papa keŋ Asa kikama.

Ŋikiru. 140:7

Okoe Ekapolon, Ekapolon kaŋ, ekalakunan kaŋ ŋolo agogoŋon, ibu itoiu ayoŋ nyewana akoloŋit ŋina ke ejie.

Ŋikiru. 60:10

Nyeŋero mono iyoŋ isua, okoe Akuj a? Okoe Akuj nyeriŋa iyoŋ irukonorete lojie ka ŋasigarya kosi.

Ŋakit. 21:31

Epedori ituŋanan akoloŋit ŋina ke ejie akitemokin aŋole keŋ, nai Ekapolon einakini ituŋanan ŋin akiloun ŋimoe keŋ.

1 Sam. 13:3

Apeikoloŋit, kitijik Yonasan Ŋipilistin ŋulu ayakasi Geba, kiirasi Ŋipilistin ŋakiro ŋun. Tolimok nai Saul ŋituŋa tokutakis anakwap a Isirael a daadaŋ ŋabureryaŋa a ŋimeesekin, alimokin ŋituŋa ebe, “Itemokino Ŋiburaniyae kiirasi ŋakiro a Saul.”

1 Sam. 14:1

Apei koloŋit, tema Yonasan lokoku a Saul neni a ekile a ŋolo aryoŋit ŋiboro keŋ ŋulu ke ejie ebe, “Bua, apena najore a Ŋipilistin ya ŋina eyai yaye akadipaalat.” Nai abu Yonasan nyelimok papa keŋ ŋakiro ŋun.

1 Sam. 14:15

Tobul Ŋipilistin daadaŋ ŋulu aya neni eboiyo ajore ka ŋulu aya lomanikorin, ŋulu edarito ŋimoe anakiboisyo a ŋace ka ŋulu aŋaarito ŋajorei akirem iwace. Abu daŋ akwap tomaranik. Toyakaun ekabule neni a Ŋipilistin, ekabule ŋolo erae Akuj ayauni.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”