2 Sam. 8:4 - Ebaibul

⁴ Abu Daudi kikama aneni ka Adadeser ŋikilyok aliput ka ŋamiae ŋakanikaarei ŋulu adokito ŋaŋolei ka ŋulu alosete a ŋakejen ŋalipyo ŋatomoniarei. Kiŋwal Daudi ŋaŋolei kec ŋuna erito ŋagaari, toŋedeŋede ŋamori a ŋakejen kec; kimyek ŋuna iriyarete ŋagaari amiat bon.

2 Sam. 8:4 Iomraidhean Croise

Akisy. 49:6

Elipa ayoŋ nyamin natukot kus, elipa ayoŋ nyaruwor erukitos a Simeon ka Lepi, anerae imunyasi iyes ŋikilyok a adedeŋu kus, iŋwala iyes ŋimoŋin, anacamit kus, iŋedeŋedeete ŋamori kec.

1 Ŋirw. 10:26

Tocunak Solomon iwapei ŋagaari ka ŋaŋolei, arae ekimar a ŋagaari a ŋuna ayakar iŋes aliput ka ŋamiae ŋaomwon ka arae ekimar a ŋaŋolei ŋalipyo ŋatomon ka ŋaarei ŋulu edaritere ikes ka ŋace kiwuak Yerusalem neni eboiyo iŋes.

1 Ŋakiro a ŋirwa 18:4

Todemu Daudi Adadeser ŋagaari aliput, ŋikametok a ŋaŋolei ŋalipyo ŋakanikaarei ka ŋasigarya ŋuna alosete a ŋakejen ŋalipyo ŋatomoniarei. Kiŋwal Daudi ŋaŋolei kec ŋuna erito ŋagaari, kimyek ŋaŋolei amiat bon.

Ŋikiru. 20:7

Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”

Yos. 11:6

Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 11:9

Kitiyak Yosua neni kec lopite ŋolo alimokinitor Ekapolon iŋes. Totubutubu ŋamori ŋuna a ŋakejen a ŋaŋolei kec, kicunyak ŋagaari kec.