2 Sam. 8:2 - Ebaibul

² Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

2 Sam. 8:2 Iomraidhean Croise

2 Sam. 12:31

Toriku Daudi ŋituŋa a etaun a ŋol, inak ikes akitiya a ŋirigi, a ŋisururo ka a ŋaepe, kori ya ikes kitiyata ŋamatapali. Abu Daudi kitiya ŋakiro ŋun lotaunio a Ŋiamoni daadaŋ. Ani nai ekaku, apotu Daudi ka ŋasigarya keŋ daadaŋ toboŋosi Yerusalem.

2 Sam. 8:6

Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

2 Ŋirw. 1:1

Ekaku ketwana erwosit Aab, apotu ŋituŋa ŋulu ka akwap a Moab toŋero Ŋisirael.

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

1 Ŋakiro a ŋirwa 18:2

Abu Daudi kilou tari Ŋimoabi, ido abu iŋes kipuka Ŋimoabi totaca ocur neni keŋ.

2 Ŋakiro a ŋirwa 26:8

Apotu Ŋiamoni yaasi ocur kec neni a Usia, ido abu arwonu keŋ todol tari lokukor ŋolo ka akwap kec ka Ijipit, anerae abu Usia togogoŋior nooi.

Ŋikiru. 108:9

Erae Moab akwap ŋina erae akoŋinait aneni a ŋituŋa kaŋ, ayoŋ epukat akwap a Edom. Aceluni ayoŋ aŋuna elounia ayoŋ akwap a Pilistia.”

Ŋikiru. 18:45

Apotu ŋitai a ŋituŋa a ŋulugelae tolilimiyosi; potu ikes emaranete neni kaŋ anakiboisyo a ŋuna sek eboiyoto emam akuryanu.

Ŋikiru. 60:10

Nyeŋero mono iyoŋ isua, okoe Akuj a? Okoe Akuj nyeriŋa iyoŋ irukonorete lojie ka ŋasigarya kosi.

Ŋikiru. 60:8

Erae Moab akwap ŋina erae akoŋinait aneni a ŋituŋa kaŋ, ayoŋ epukat akwap a Edom. Aceluni ayoŋ aŋuna elounia ayoŋ akwap a Pilistia.”

Ŋikiru. 83:6

ecamunun Ŋiedomi ka Ŋisimael Ŋimoabi ka Ŋiagiri,

Isa. 36:16

Nyipupokis ŋakiro a Esekia, anerae ebala erwosit ka Asiriya, ‘Tocamutu ekisil ka ayoŋ, ido potu neni kaŋ, epedori nai ŋinituŋanan kus akinyam ŋaraito a epiini keŋ ka ŋaboboryo a ebobore keŋ ka akimat ŋakipi a akare keŋ,

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.

1 Sam. 14:47

Ani kedau Saul aruwor erwosit alo Isirael, abu kitiji ŋimoe a Ŋisirael alowaetin a Isirael a daadaŋ, kitiji ŋituŋa lu: Ŋimoabi, Ŋiamoni, Ŋiedomi, Ŋirwosi ŋulu a Soba ka Ŋipilistin. Ewae daadaŋ ŋolo abu iŋes tolot akitijiore ŋimoe keŋ, abu Saul toreu ŋimoe keŋ.

1 Sam. 22:3

Torotok Daudi a nen tolot Misipe nakwap a Moab. Tema iŋes neni a erwosit a Moab, “Ekapolon, kimyek kare ca papa kaŋ ka toto kaŋ potu akiboi ka iyoŋ, akitodol ŋina ayenunia ayoŋ ŋuna itiyakini Akuj aŋuna kaŋ.”

1 Sam. 22:4

Kimyek Daudi ŋikauruunak keŋ erukito a erwosit a Moab, kiboiyoto ikes ka iŋes ŋirwa daadaŋ ŋulu eboiyo Daudi anaturukan.