2 Sam. 8:12 - Ebaibul

¹² Kirirauni sek Daudi esilipa ŋol ka egolid ŋol anakwapin a nu: Alo Edom, alo Moab, aneni a Ŋiamoni, aneni a Ŋipilistin, aneni a Ŋiamaleki ka aloboro a ŋulu aŋatuni iŋes aneni ka Adadeser alokoku a Reob a ŋolo arae erwosit a Soba.

2 Sam. 8:12 Iomraidhean Croise

2 Sam. 10:11

Tema Yoab, “Ani kegogoŋioto Ŋiarameani akilo ayoŋ, emaikina iyoŋ ibu akiŋarakin ayoŋ; nai ani kegogoŋioto Ŋiamoni akilo iyoŋ, abuni ayoŋ akiŋarakin iyoŋ.

2 Sam. 10:14

Ani iŋolikinete Ŋiamoni atemar abwaŋasi Ŋiarameani, tobwaŋas ikes daŋ alokiŋaren Abisai, tolomasi lotaun. Tojoŋo nai Yoab akisiirya Ŋiamoni, toboŋo tolot Yerusalem.

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

1 Ŋakiro a ŋirwa 18:11

Abu Daudi inak ŋiboro ŋul daŋ neni ke Ekapolon kaapei ka esilipa ta egolid ŋolo erirauni iŋes anakwapin aŋuna abu iŋes kilou; ŋolo aris sek iŋes keinaki Ekapolon.

1 Sam. 15:8

Toriko Saul Agag erwosit a Ŋiamaleki eyari, nai tomunya ke ekileŋ ŋituŋa ŋuluce daadaŋ.

1 Sam. 27:8

Aloseneneete Daudi ka ŋikajiok ŋulu arukito ka iŋes akirem Ŋigesuri, Ŋigirisi ka Ŋiamaleki; kiboiyete ŋituŋa ŋul ŋinapei koloŋ anakwap a ŋina eyai ameun alo Sur tari Ijipit.

1 Sam. 30:17

Kisiiryak Daudi ikes ŋinapei ipiripiriuni akoloŋ akitodol eboŋ akoloŋit ŋina atupakini ŋin. Mam ŋimoe ŋul ŋini abu tobucar, alemar ŋisorok ŋamiae ŋaomwon bon, ŋulu apotu todokakis ŋikaala toema.

1 Sam. 30:20

Toremu daŋ Daudi ŋamesekin ka ŋaatuk, kiteme ŋikajiok ŋulu arukito ka iŋes, kisiŋareno alobaren a ŋulu abuunite ikes. Abasi ŋikajiok ŋulu arukito ka Daudi emeto ŋibaren ŋul alokiŋaren ŋuluce ebe, “Erae lu ŋulu aremuni Daudi.”