2 Sam. 7:8 - Ebaibul

⁸ Aŋun nai, tolimok Daudi eketiyan kaŋ atemar, ebala Ekapolon ŋolo Etiron ebe, ‘Abu ayoŋ okolemu iyoŋ anacokor, anakiyok ŋamesekin aŋuna ka aruwor ekepukan a ŋituŋa kaŋ a Ŋisirael.

2 Sam. 7:8 Iomraidhean Croise

2 Sam. 12:7

Tema Nasan neni a Daudi, “Erae ekile ŋol iyoŋ pei! Abala Ekapolon Akuj a Isirael ebe, ‘Abu ayoŋ okoseu iyoŋ aruwor erwosit ŋolo ipukae Isirael, ido abu ayoŋ okoiu iyoŋ aneni a Saul.

2 Sam. 14:13

Kiŋit aberu ŋin iŋes tema, “Kaanukiro bo idaunia iyoŋ ayere akitiya ŋakiro ŋun neni a ŋituŋa ka Akuj? Ani mono ŋina elimunio erwosit ŋakiro ŋuna ikote ŋun, nyerae mono asecit aneni keŋ a? Erae ŋun asecit, anerae eriŋa iŋes nyinyakuna lokoku keŋ ŋolo abu toem iwace.

2 Sam. 23:1

Arae Daudi lokoku a Yese ekile ŋolo abu Akuj kitopoloo. Abu Akuj a Yakob toseu iŋes aruwor erwosit, ido Daudi iŋes abu totamununu ŋieosyo aŋuna a Ŋisirael. Ŋakiro a Daudi ŋuna esidyok ikes nu ebe,

2 Sam. 24:17

Ani iŋolikini Daudi emalaika ŋolo aari ŋituŋa, tema neni a emalaika, “Ayoŋ bon asecit ka ayoŋ bon adau akitiya aronis ŋina apolon nooi; nai ŋituŋa lu ŋulu ikote ŋamesekin, nyo itiyato ikes? Ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ.”

2 Sam. 5:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

2 Sam. 6:21

Tema Daudi neni a Mikal, “Abu ayoŋ edoŋa etopoloorit Ekapolon ŋolo abu okoseu ayoŋ akilo aseun papa kon ka ŋituŋa a ekal keŋ daadaŋ. Abu iŋes okoseu ayoŋ akipuka ŋituŋa keŋ Ŋisirael. Arubakini ayoŋ edoŋae etopoloorit Ekapolon.

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

1 Ŋakiro a ŋirwa 17:7

Aŋun nai, tolimok Daudi eketiyan kaŋ atemar ebala Ekapolon ŋolo a ŋajoresyo ebe, ‘Abu ayoŋ okolemu iyoŋ anacokor, anakiyok ŋamesekin aŋuna ka aruwor ekepukan a ŋituŋa kaŋ a Ŋisirael.

1 Ŋakiro a ŋirwa 21:17

Kiŋit Daudi Akuj tema, “Meere mono ayoŋ bon abu olimu atemar emaikina kimarae ŋikilyok ŋulu epedorito ajiore a? Ayoŋ bon asecit ka ayoŋ bon etiya aronis ŋina apolon nooi. Nai ŋituŋa lu ŋulu ikote ŋamesekin, nyo itiyato ikes? Okoe Ekapolon Akuj kaŋ, ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ, nai nyicamak ŋican lu torubakis eya lotuŋa kon.”

Amos 7:15

ido abu Ekapolon okonyara ayoŋ anakiyok ŋakinei, okolimok ayoŋ tema, ‘Tolot todwar neni a ŋituŋa kaŋ a Ŋisirael.’

Ŋitic. 7:46

Abu Daudi tojokyar alokiŋaren Akuj, kilip adukokin akai aŋuna ka Akuj a Yakobo.

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”