2 Sam. 7:26 - Ebaibul

²⁶ ikotere nai itopolooryo ekiro kon ŋikaru ka ŋikaru. Etemarete ŋituŋa, ‘Erae Ekapolon ŋolo a ŋajoresyo Akuj ŋina ipukat Isirael.’ Iturubakini iyoŋ ŋituŋa a ekal a Daudi a eketiyan kon erae ŋikepukak ŋikaru ka ŋikaru.

2 Sam. 7:26 Iomraidhean Croise

Akisy. 17:18

Tema Aburaam neni ka Akuj, “Aye robo ca kiterereŋ iyoŋ Isimael toruwor ŋolo iboi iyookino alokiŋaren kon.”

2 Sam. 7:25

Ekapolon Akuj, alotooma ŋakiro daadaŋ ŋuna isileereu iyoŋ aŋuna a eketiyan kon ka ŋituŋa a ekal keŋ, kisiyook toruwor ŋuna a ŋikaru ka ŋikaru; kitiya lopite ŋolo idaunia iyoŋ akiikin,

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

1 Ŋirw. 18:37

Okoe Ekapolon toboŋokinoe ayoŋ, toboŋokinoe ayoŋ, ikotere ŋituŋa lu eyenunete atemar iyoŋ Ekapolon irae Akuj, ido inyakuni iyoŋ ikes neni kon.”

Ŋikiru. 115:1

Meere neni kosi, okoe Ekapolon, meere neni kosi, nai neni kon emaikina inakinae apolou, aŋuna ka amina kon a ŋina nyiryaŋiryaŋa ka akikinyoma kon.

Ŋikiru. 61:7

Elipit kipuka iŋes alokiŋaren kon ŋikaru ka ŋikaru; kiyok iŋes a amina kon ŋina nyiryaŋiryaŋa ka akikinyoma kon.

Ŋikiru. 89:36

Erubakini ete ŋiletok keŋ ŋikaru ka ŋikaru, erubakini apukan keŋ alokiŋaren kaŋ ŋirwa ŋulu ka akoloŋ daadaŋ;

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Yoa. 12:28

Papa, kitopoloo ekiro kon!” Kirworik nai etoil anakuj ebala, “Etopoloo ayoŋ iŋes ka etopoloori iŋes nabo.”