2 Sam. 7:22 - Ebaibul

²² Aŋun, ipol iyoŋ, okoe Ekapolon Akuj; anerae mam ituŋanan ikwaanatar iyoŋ ka mam Akuj ace mati iyoŋ bon ikwapei eirarere isua ŋakiro daadaŋ a ŋaki kosi.

2 Sam. 7:22 Iomraidhean Croise

2 Sam. 22:32

ŋae mono erae Akuj alemar Ekapolon? ŋae ekaiunan yok ece alemar Akuj yok?

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

1 Ŋakiro a ŋirwa 16:25

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

2 Ŋakiro a ŋirwa 2:5

Epol nooi Akai ŋina alosi ayoŋ akiduk, anerae epol nooi Akuj kosi akilo ŋakujo ŋunace daadaŋ.

Ŋikiru. 135:5

Ayeni ayoŋ atemar epol Ekapolon nooi, epol Ekapolon yok nooi akilo ŋakujo daadaŋ.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Ŋikiru. 48:1

Epol nooi Ekapolon, ido emaikina kipuroe iŋes nooi alotooma etaun ŋolo ka Akuj yok, alomukura keŋ a ŋolo asegan.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Ŋikiru. 86:8

Okoe Ekapolon, emam anakujo akuj ŋina ikwaan ka iyoŋ; mam ŋiticisyo ikwaan ka ŋulu kon.

Ŋikiru. 89:6

anerae ŋae ice ŋini eyai kidiama, ŋini epedoryo akisikwaan ka iyoŋ Ekapolon? Ŋae ikwaan ke Ekapolon alosubuna a ŋulu eya nakuj?

Ŋikiru. 89:8

Okoe Ekapolon, Akuj ŋina a ŋajoresyo, ŋae eyakar apedor ikwa iyoŋ okoe Ekapolon? Irae iyoŋ Akuj ŋina ikinyoma ŋapakio daadaŋ.

Ŋikiru. 96:4

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 8:6

Aŋun, abu Aron kikyaa akan keŋ kidiama ŋakipi ŋuna aya nakwap a Ijipit; ido apotu ŋakidodoka tolomut a nen pena nakwap a Ijipit.

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 45:5

Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,

Esek. 36:22

“Aŋun, tolimok Ŋisirael atemar alimu Ekapolon Akuj ebe, ‘Okoe Ŋisirael, meere aŋuna kus eapiya ayoŋ akitiyakin ŋakiro ŋadi, nai erae aŋuna a ekiro kaŋ a ŋolo asegan, a ŋolo ijamuwasi iyes anakwapin a ŋuna ipotu iyes toloto.

Esek. 36:32

Alimu Ekapolon Akuj atemar, meere aŋuna kus eapiya ayoŋ akitiyakin ŋakiro ŋadi, emaikina iyes toyenete ŋun. Okoe Ŋisirael, emaikina iyes ikiruma ŋileec kus a ŋilopeyek ka itokadak iyes ŋilopeyek alotooma ŋuna iwuapito iyes.

Dan. 2:45

Lopite ŋolo ibunio iyoŋ kiŋolik amoru ŋina pa ayororit ituŋanan ecakun alomoru, ido abu amoru ŋin tobwaŋabwaŋaa asuwat, eburonis, ecoto, esilipa ka egolid; adau Akuj ŋina etiron alimokin erwosit ŋakiro ŋuna itiyakin alorwa a ŋulu eponito. Erae ŋun ŋakiro kire ŋuna ibu iyoŋ kiruja, emaikina iyoŋ tonup atemar ŋuna ekesileerek ayoŋ iyoŋ ikes erae apolou kec.”

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Ŋikis. 3:24

“Okoe Ekapolon Akuj, isyak iyoŋ akitoodikin ayoŋ eketiyan kon apolou ka apedor kon. Akuj ani ŋina alokidiama, kori alokwap epedori akitiya ŋiticisyo ŋulu ka apedor a ŋina apolon lopite ŋolo itiyaa iyoŋ?

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋikis. 4:35

Abu Akuj ikitoodik iyes ŋakiro ŋun ikotere iyeununete iyes atemar erae Ekapolon Akuj, emam akuj ace eyai mati iŋes bon.

Ŋikis. 4:39

Aŋun, toyenutu tokona ka tonupa alotai kus atemar erae Ekapolon Akuj ŋina alokidiama, alokwap ka alotooma akwap; emam Akuj ace eyai.

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.