2 Sam. 7:12 - Ebaibul

¹² Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

2 Sam. 7:12 Iomraidhean Croise

Akisy. 15:4

Nai kirworik Ekapolon neni ka Aburam tema, “Nyeruwor ituŋanan ŋin ekeruman ŋiboro kon, nai isapat ŋini iuruuni iyoŋ, iŋes irumi ŋiboro kon.”

2 Sam. 22:51

Einanakini Akuj erwosit ŋolo abu iŋes toseu akilounun ŋimoe keŋ, itoodianakini Akuj erwosit ŋolo abu iŋes toseu arimao keŋ, einanakini Akuj ŋun neni a Daudi ka ŋiletok keŋ ŋikaru ka ŋikaru.”

1 Ŋirw. 1:21

Ani pa kisubak iyoŋ ŋun, epedorio ayoŋ ka lokoku kaŋ Solomon akituruwor ŋikasecak apaki ŋinapei ikinukakinere iyoŋ ekapolon kaŋ erwosit neni eya atapapaa kon.”

1 Ŋirw. 1:48

tema ‘Kipuritetei Ekapolon Akuj a Isirael, ŋina nakoloŋit na ainaki epei a ŋidwe kaŋ akiboikin lokicoloŋ kaŋ ete ayoŋ.’”

1 Ŋirw. 2:1

Ani eapuunete ŋirwa ŋulu iridakinia Daudi, Kisirwor Daudi lokoku keŋ Solomon tema,

1 Ŋirw. 2:10

Totwana nai Daudi iwapei ata papaa keŋ tonukae akuwan keŋ lotaun a Daudi.

1 Ŋirw. 2:4

Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 5:5

Aŋun nai, acamit ayoŋ akiduk Akai ka Akuj aŋuna a ekiro a Ekapolon Akuj kaŋ, lopite ŋolo alimokinitor Ekapolon papa kaŋ Daudi apaki ŋina alimunio ebe, ‘Lokoku kon ŋolo elunyokini ayoŋ lokicoloŋ kon, iŋes edukokini Akai ka Akuj aŋuna a ekiro kaŋ.’

1 Ŋirw. 8:15

Tema erwosit, “Kipuroe Ekapolon, Akuj a Ŋisirael, ŋina esiyook anapedor keŋ ŋuna abu kiik neni a papa kaŋ a Daudi ebala,

1 Ŋirw. 8:19

Kikote neni daŋ, meere iyoŋ iduki Akai ka Akuj, nai lokoku kon, ŋolo erae iyoŋ iuruuni, iŋes eduki Akai aŋuna a ekiro kaŋ.’

1 Ŋirw. 8:20

Esiyook tokona Ekapolon ŋakiro ŋuna abu kiik; anerae elunyokin tokona ayoŋ napukan a papa kaŋ a Daudi, eboikin lokicoloŋ ŋolokipukaet Ŋisirael, lopite ŋolo eikinitor Ekapolon, ido adau ayoŋ adukun Akai aŋuna a ekiro ke Ekapolon Akuj ŋina a Ŋisirael.

1 Ŋirw. 9:5

ŋun nai eturubakinia ayoŋ, apukan kon alo Isirael ŋikaru ka ŋikaru, lopite ŋolo eikinitor ayoŋ papa kon Daudi abala, ‘Nyikiŋopikini iyoŋ aryamun ituŋanan ŋini ilunyokin lokicoloŋ kipuka ŋituŋa a Isirael.’

2 Ŋirw. 8:19

Tari kikote nen daŋ, pa acamit Ekapolon akinyasun Yudaya, anerae eikinit sek iŋes eketiyan keŋ Daudi atemar etoropari ŋiletok keŋ ŋikaru ka ŋikaru.

1 Ŋakiro a ŋirwa 17:11

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit, kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

2 Ŋakiro a ŋirwa 1:9

Okoe Ekapolon Akuj, kisiyook akiikinet kon ŋina ibu kiik Daudi papa kaŋ, anerae ikituruwo iyoŋ ayoŋ erwosit ŋolo apolokinit ŋituŋa ŋulu alalak nooi ŋulu nyimarun ikwa apuwa ŋina ka akwap.

2 Ŋakiro a ŋirwa 13:5

Nyiyenete mono iyes atemar adau Ekapolon Akuj a Isirael anacamunet keŋ a ŋina ajik ainakin arwosiyo a Isirael neni a Daudi ka ŋipapae keŋ ŋikaru ka ŋikaru a?

2 Ŋakiro a ŋirwa 21:7

Tari kikote neni daŋ, pa acamit Ekapolon akinyasun apukan a ekal a Daudi, anerae eikinit sek iŋes eketiyan keŋ Daudi atemar etoropari ŋiletok keŋ ipukato ŋikaru ka ŋikaru.

2 Ŋakiro a ŋirwa 23:3

Tocunakinos ŋituŋa ŋul daadaŋ Kai ka Akuj, tocamunos ka Yoas lokoku a erwosit. Tema Yeoiyada neni kec, “Lokoku a erwosit a ŋolo paaran atwani iŋes lo, emyekisi iŋes toruwor erwosit a Yudaya lopite ŋolo iikinitor Ekapolon atemar ŋiletok a erwosit Daudi ikes emaikina kipukata Yudaya.

2 Ŋakiro a ŋirwa 6:15

Idau iyoŋ akisiyookin akiikinet kon neni a eketiyan kon a Daudi papa kaŋ; kire jik ibu iyoŋ Akuj tolimu akiikinet ŋin ka isiyook iyoŋ ŋun anapedor kon, lopite ŋolo eyakatar nakoloŋit na.

2 Ŋakiro a ŋirwa 6:9

Kikote neni daŋ, meere iyoŋ iduki Akai ka Akuj, nai lokoku kon ŋolo erae iyoŋ iuruuni, iŋes eduki Akai aŋuna a ekiro kaŋ.’

Ŋikiru. 89:29

Eturubakini ayoŋ ŋiletok keŋ erae ŋikepukak ŋikaru ka ŋikaru, erubakinete ŋipapae keŋ erae ŋikepukak ŋikaru ka ŋikaru.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 33:17

“Anerae alimu Ekapolon atemar nyicanakin Daudi ituŋanan ŋini ilunyokin lokicoloŋ keŋ kipuka ŋituŋa a Isirael,

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Mat. 1:1

Erae lu ŋirorwa atapapaa a Yesu Kristo, a ŋolo arae ekanateker a Daudi a ŋolo arae lopapait ka Aburaam.

Luk. 1:32

Erwoniar iŋes ka enyarao Lokoku ka Akuj a ŋina alokidiama nooi. Isiboikini Akuj iŋes lokicoloŋ a papa keŋ Daudi.

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 2:30

Ayeni Daudi atemar, aris Akuj kikoŋ atemar eturuwori lopapait keŋ epei erwosit, kilunyokin lokicoloŋ keŋ.

1 Ŋikor. 15:51

Kiirasi ŋakiro ŋuna a kire ŋuna imunono nu: nyikitwaki iwon daadaŋ, nai ani eruuni arupepe ŋina esidyon, ikilocokinio iwon daadaŋ atipei, ikwa akirwapakinet ŋina ka akoŋu. Anerae ani eruuni arupepe, iteyarunio ŋikatwak, nyetwakete nabo jik; ka ikilocokinio iwon ŋulu ikiyari.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

1 Ŋites. 4:14

Ikinupit iwon atemar abu Yesu totwan ka abu toyaru, ikwaŋinapei, iteyaruni Akuj ŋikatwak ŋulu sek anupito Yesu, ido ya ikes kaapei ka Kristo neni keŋ.