2 Sam. 6:7 - Ebaibul

⁷ Toŋo Ekapolon nooi aŋuna a Usa, anerae abu nyitim iŋes akitap Asaduku ŋina ka Acamunet; aŋun, abu Akuj toar iŋes totwanik diyete Asaduku ka Acamunet.

2 Sam. 6:7 Iomraidhean Croise

2 Sam. 6:8

Toŋo Daudi akoloŋit ŋin aŋuna abunio Ekapolon tonyunyurikinor Usa toar, ido akitodol akoloŋit na, enyaritae akibois ŋin Peres Usa.

1 Ŋakiro a ŋirwa 13:10

Toŋo Ekapolon nooi aŋuna a Usa, toar Ekapolon Usa aŋuna abunio totapya Asaduku ŋina ka Acamunet. Totwanik iŋes nen kiŋaren Akuj.

1 Ŋakiro a ŋirwa 15:13

Arae aŋuna pa kiponiata iyes ŋilepi yaut iŋes ekiŋaren ne, iŋes abunio Akuj toŋo nooi aŋuna yok, anerae pa aponi iwon kidarae Asaduku ŋin lopite ŋolo amaikina kidarere.”

1 Ŋakiro a ŋirwa 15:2

Tema nai iŋes, “Mam ituŋanan ice, ŋini edakuni Asaduku mati ŋilepi bon, anerae abu Ekapolon toseu ikes adakit Asaduku ke Ekapolon ka akitiya etic keŋ ŋikaru ka ŋikaru.”

Ekim. 1:51

Ani iwuotokinete iyes anakibois a adio, ŋilepi ikes elacunete eema ŋol ka ikes pei edukokinete nabo nakibois ŋina ilomete iyes, ituŋanan daadaŋ ŋini eapuuni loeema ŋol emaikina toarae.

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

1 Sam. 25:38

Ekaku a ŋirwa a ŋulu aapiyarito ŋitomon, abu Ekapolon toar Nabal.

1 Sam. 6:19

Abu Ekapolon kisican ŋikilyok a Bes-Semes ŋice, toar ŋatomonikanikaarei aŋuna keponiata ikes toripiyasi tooma Asaduku ŋina ke Ekapolon, aya lokimar ŋol ŋikapolok ŋatomonikan, kigworo ŋituŋa aŋuna abunio Ekapolon tomunyarya ŋituŋa ŋulu alalak nooi.