2 Sam. 6:22 - Ebaibul

²² Eyatakini ayoŋ alemar akitojoka aneni kaŋ akilo tari neni abunio etiyaa. Ipedori iyoŋ atemar kori aruwor ayoŋ ituŋanan ŋini a ŋimasimas, nai eketopoloorete ayoŋ ŋaketiyak ŋun ŋuna ilimit iyoŋ.”

2 Sam. 6:22 Iomraidhean Croise

Akisy. 32:10

Eketimit ayoŋ ŋolo arae eketiyan kon tari epite ŋolo ikitoodikinia iyoŋ ayoŋ atemar irae iyoŋ ŋolo ka amina a ŋina nyiryaŋiryaŋa ka akiyookino. Apaki ŋina adokya aŋolol Yorodan, ayakar ayoŋ ebela bon, nai tokona, ayakar ayoŋ ŋauyoi ŋaarei.

2 Sam. 6:21

Tema Daudi neni a Mikal, “Abu ayoŋ edoŋa etopoloorit Ekapolon ŋolo abu okoseu ayoŋ akilo aseun papa kon ka ŋituŋa a ekal keŋ daadaŋ. Abu iŋes okoseu ayoŋ akipuka ŋituŋa keŋ Ŋisirael. Arubakini ayoŋ edoŋae etopoloorit Ekapolon.

2 Sam. 6:23

Abu Mikal nakoku a Saul nyeryamu ikoku, abu totwana emam ikoku.

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 131:1

Okoe Ekapolon, nyeturo ayoŋ, nyetoodiuna ayoŋ arae ŋolo etopolooro; nyedaŋakina ayoŋ akitiya ŋuna apolok nooi, kori ŋuna nyapedorit ayoŋ akitiya.

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Mar. 14:66

Ani eriŋa Petero eyai lore ŋol, kitoru aketiyan apei ŋina ke Esacaradoti a ŋolo Apolon nooi diye keŋ.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

1 Pet. 4:14

Irereŋ iyes erae kikiyanyi aŋuna iraakatar ŋikewuapak a Kristo; eyai Etau ŋolo ka apolou a ŋina ka Akuj neni kus.

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’