2 Sam. 6:21 - Ebaibul

²¹ Tema Daudi neni a Mikal, “Abu ayoŋ edoŋa etopoloorit Ekapolon ŋolo abu okoseu ayoŋ akilo aseun papa kon ka ŋituŋa a ekal keŋ daadaŋ. Abu iŋes okoseu ayoŋ akipuka ŋituŋa keŋ Ŋisirael. Arubakini ayoŋ edoŋae etopoloorit Ekapolon.

2 Sam. 6:21 Iomraidhean Croise

2 Sam. 5:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

2 Sam. 6:14

Kidoŋa Daudi itopoloorit Ekapolon ka agogoŋu keŋ a daadaŋ enapit anacir elou ŋolo amilimilan.

2 Sam. 6:16

Ani elomunere Asaduku ŋina ka Acamunet lotaun a Daudi, toripiya Mikal nakoku a Saul alodirisa, kiŋolik erwosit Daudi epori ka idoŋae alokiŋaren Asaduku ŋina ka Acamunet, ido abu iŋes tojamuwa Daudi alotau keŋ.

2 Sam. 6:22

Eyatakini ayoŋ alemar akitojoka aneni kaŋ akilo tari neni abunio etiyaa. Ipedori iyoŋ atemar kori aruwor ayoŋ ituŋanan ŋini a ŋimasimas, nai eketopoloorete ayoŋ ŋaketiyak ŋun ŋuna ilimit iyoŋ.”

2 Sam. 6:5

kidoŋaete Daudi ka Ŋisirael daadaŋ a agogoŋu kec a daadaŋ alokiŋaren Ekapolon; toeos eramete ŋagitae, ŋaduŋgui, ŋiburin ka ŋiboro ŋulu iekiekio eeoi ta ŋitworoi.

2 Sam. 7:8

Aŋun nai, tolimok Daudi eketiyan kaŋ atemar, ebala Ekapolon ŋolo Etiron ebe, ‘Abu ayoŋ okolemu iyoŋ anacokor, anakiyok ŋamesekin aŋuna ka aruwor ekepukan a ŋituŋa kaŋ a Ŋisirael.

1 Ŋakiro a ŋirwa 15:29

Ani elomunere Asaduku ŋina ka Acamunet lotaun a Daudi, toripiya Mikal nakoku a Saul alodirisa, kiŋolik erwosit Daudi epori ka idoŋae, ido abu iŋes tojamuwa Daudi alotau keŋ.

Ŋitic. 13:22

Ani kelema Akuj Saulo, kilunyok Daudi aruwor erwosit kec. Kiteyenu Akuj nu aŋuna a Daudi: ‘Aanyu ayoŋ atemar erae Daudi, lokoku a Yese ekile ŋolo elelyania etau kaŋ; itiyakini iŋes ŋuna daadaŋ acamit ayoŋ iŋes kitiya.’

1 Ŋikor. 10:31

Aŋun nai, ŋinibore daadaŋ imujete kori imasete kori itiyaete iyes, kitiyata ŋun daadaŋ aŋuna ka akitopoloor Akuj.

1 Sam. 13:14

Nai tokona nyeruwor apukan kon ŋinaruba, adau Ekapolon akiwarun ekile ece ŋolo emina etau keŋ, ido aseu Ekapolon iŋes aruwor ekepukan a ŋituŋa keŋ, anerae nyiwuapa iyoŋ ŋakiciketa a Ekapolon.”

1 Sam. 15:28

Tema Samuel neni keŋ, “Adau Ekapolon alemar apukan a Isirael aneni kon ameun nakoloŋit na, ido ainaki neni a ekidunyet kon ke epei a ŋolo ejok akilo iyoŋ.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 16:12

Kiyakiya Yese ituŋanan, yaunae edya ŋol tooma neni ayakasi ikes. Arae edya ŋol ŋolo acope ŋakonyen, ido arae iŋes ŋolo ebus anakonyen, tarae ŋolodirya ka akuwan. Tema Ekapolon neni a Samuel, “Tonyou, kiosak iŋes akimyet, anerae iŋes lo.”