2 Sam. 6:19 - Ebaibul

¹⁹ Tosodi nai tokorak akimuj lotuŋa daadaŋ. Ŋituŋa a Isirael daadaŋ, ŋaberu ka ŋikilyok, abu ŋinituŋanan toryamu, amugati adio, akiriŋ adio ka ŋaboboryo ŋadi ŋuna erukitoe esibit ŋamugati. Ani irikakin, ŋakiro ŋun daadaŋ, toboŋosi ŋituŋa daadaŋ lorerya kec.

2 Sam. 6:19 Iomraidhean Croise

2 Sam. 6:18

Ani kedau iŋes ainakin neni ke Ekapolon ŋainakineta ŋuna epeyo ka ŋuna ke ekisil, kiterereŋ ŋituŋa alokiro ke Ekapolon a ŋolo a ŋajoresyo.

2 Sam. 6:20

Toboŋo Daudi a nen tolot akiterereŋ ŋituŋa a ekal keŋ. Nai abu Mikal nakoku a Saul bu neni a Daudi tema “Okoe abu nai erwosit a Isirael kitopoloor bon nooi nakoloŋit na! Abu iŋes tolaci bon alokiŋaren ŋaketiyak a ŋikapolok a apukan keŋ ikwa ebaŋ.”

1 Ŋirw. 8:66

Ani epete ŋirwa ŋitomon ka ŋikan, tolimok Solomon ŋituŋa kielaros toloto. Kiterereŋo ŋituŋa erwosit, ido toloto lorerya elelyanete ka elakara alotai kec aŋuna ajokak a daadaŋ a ŋuna etiya Ekapolon neni a Daudi a eketiyan keŋ ka neni a Ŋisirael a ŋituŋa keŋ.

1 Ŋakiro a ŋirwa 16:3

ido tokorak ŋamugati, akiriŋ adio ka ŋaboboryo ŋuna arukitoe esibit ŋamugati neni a ŋolokile ka ŋinaberu alo Isirael daadaŋ.

1 Ŋakiro a ŋirwa 16:43

Ani irikakin ŋun, apotu ŋituŋa daadaŋ torotokis, tolot ŋinituŋanan lore keŋ, tolot Daudi daŋ lore keŋ akiterereŋ ŋituŋa ke ekal keŋ.

2 Ŋakiro a ŋirwa 30:24

Apotu ŋirwa ŋul kitiyakin, anerae abu erwosit Esekia ŋolo a Yudaya inak ŋituŋa ŋimoŋin aliput ka ŋamesekin ŋalipyo ŋakanikaarei aŋuna a ŋainakineta, apotu ŋikapolok daŋ inakis ŋituŋa ŋimoŋin aliput ka ŋimesekin ŋalipyo ŋatomon. Apotu ŋisacaradotin ŋulu alalak nooi kitaleunos.

2 Ŋakiro a ŋirwa 7:10

Ani edoli ŋirwa ke elap ŋatomoniarei ka ŋiuni, elap ŋolo a ŋikanikaarei, kimyek Solomon ŋituŋa toloto lorerya kec elelyanete ka elakara alotai kec aŋuna ajokak aŋuna etiya Ekapolon neni a Daudi ka neni a Solomon ta neni a Ŋisirael a ŋituŋa keŋ.

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Eete a Ŋie. 2:5

Kitogogoŋoi ayoŋ a ŋaboboryo a ŋuna erukitoe esibit ŋamugati, kisikwarunae ayoŋ a ŋaraito a ŋuna enyaritae Apol, anerae ekesiinaya ayoŋ amina iyoŋ.

Esek. 45:17

Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Osea 3:1

Okolimok nabo Ekapolon ayoŋ tema, “Ape, kitoodik nabo amina kon neni a aberu aŋina aruwor ŋina a ekile a ece ka aruwor akaloman. Emaikina iyoŋ tominak iŋes lopite ŋolo aminar ayoŋ ŋituŋa a Isirael tari keminasi ikes ŋakujo ka tominas aayenen neni a ŋakujo ŋaboboryo ŋuna erukitoe esibit ŋamugati.”

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋiep. 4:8

Ikwapei irworotor Ŋakigireta ebe, “Ani elosi iŋes kidiama nooi, abu ya ŋirikon ŋulu alalak; inak ŋainakineta lotuŋa.”

Yos. 22:6

Abu nai Yosua kiterereŋ ikes, ido kitoboŋo lorerya kec.