2 Sam. 6:17 - Ebaibul

¹⁷ Yaut ŋituŋa Asaduku ŋina a Ekapolons, tolomuniata tooma, kiwuakis nakibois keŋ ŋina etemokinitoe tooma eema ŋolo egurokinit Daudi nen aŋuna ka Asaduku. Inak Daudi neni ke Ekapolon ŋainakineta ŋuna epeyo ka ŋuna ke ekisil.

2 Sam. 6:17 Iomraidhean Croise

1 Ŋirw. 8:5

Apaki ŋin, abu erwosit Solomon ka atukot a Ŋisirael daadaŋ ŋina aris kecunakin neni keŋ towua alokiŋaren Asaduku, toara erae ŋamuronisya ŋamesekin ŋuna alalak ŋuna pa emarun ka ŋimoŋin ŋulu alalak ŋulu pa emarun.

1 Ŋakiro a ŋirwa 15:1

Ani kedau Daudi akiduk ŋakais keŋ lotaun a Daudi, abu kitemonok akibois aŋuna ka Asaduku ka Akuj, ido abu kigurok eema aŋuna ka Asaduku a ŋin.

1 Ŋakiro a ŋirwa 15:3

Abu nai Daudi tocunak Ŋisirael daadaŋ Yerusalem aŋuna ka ayaun Asaduku ke Ekapolon alo Kirias-Yearim, nakibois ŋina abu Daudi kitemok aŋuna ka Asaduku a ŋin.

1 Ŋakiro a ŋirwa 16:1

Yaut ŋituŋa Asaduku ŋina ka Akuj, tolomuniata lotaun, ido kiwuakis tooma eema ŋolo sek aris Daudi kigurok nen aŋuna ka Asaduku; inakis neni ka Akuj ŋainakineta ŋuna epeyo ka ŋuna ke ekisil.

1 Ŋakiro a ŋirwa 6:31

Ŋikilyok lu ikes abu Daudi toseu aeore alo Kai ke Ekapolon kedaun ayaun Asaduku Kai ka Akuj.

2 Ŋakiro a ŋirwa 1:4

(Nai aris Daudi keyau Asaduku ŋina ka Akuj alo Kirias-Yearim apaki ŋin nakibois ŋina aris Daudi kitemok aŋuna ka Asaduku; anerae aris Daudi kigurok eema ŋolo ka Asaduku Yerusalem.)

2 Ŋakiro a ŋirwa 5:6

Apaki ŋin abu erwosit Solomon ka atukot a Ŋisirael daadaŋ ŋina aris kecunakin neni keŋ towua alokiŋaren Asaduku, kisyakis akiar erae ŋamuronisya ŋamesekin ŋuna alalak ŋuna pa emarun ka ŋimoŋin ŋulu alalak ŋulu pa emarun.

Ŋikiru. 132:8

Bua Kai kon, okoe Ekapolon, bua nakibois kon iyoŋ kaapei ka Asaduku kon ŋina ka apedor,

Ŋilep. 3:9

Emaikina inakis ainakinet ŋina ke ekisil ŋina epeyo ka akim aŋuna ke Ekapolon, asepwae daadaŋ ka asonyok daadaŋ, etubunitoe anatorom, asepwae ŋina ka akook ka asepwae daadaŋ ŋina a ŋiboro ka akook