2 Sam. 6:12 - Ebaibul

¹² Keponi nai tolimokinae Daudi ebe, “Eterereŋ Ekapolon Obededom ka ŋituŋa a ekal keŋ ta ibore keŋ daadaŋ, aŋuna ka Asaduku a ŋina ka Acamunet.” Aŋun, abu Daudi tolot yau Asaduku ŋina ka Acamunet alokai ka Obededom, yau lotaun a Daudi ka alelyanu.

2 Sam. 6:12 Iomraidhean Croise

2 Sam. 5:7

Tari daŋ kelimunito ikes ikoŋina, abu Daudi kikama aduketait a Sion ŋinajiet. Enyaritae tokona etaun ŋol ebe “Etaun a Daudi.”

1 Ŋirw. 8:1

Ekaku nai a ŋun, tonyarau Solomon ŋikasikou ka ŋikarikok a ŋikabilae a Ŋisirael daadaŋ ta ŋatekerin a Ŋisirael, potu ŋul neni a erwosit Solomon a ŋolo ayai Yerusalem, ikotere yaut kiŋa alo Sion alotaun a Daudi, Asaduku ŋina ka Acamunet ke Ekapolon.

1 Ŋirw. 8:3

Ani kedaut ŋikasikou a Ŋisirael daadaŋ acunun todakasi ŋisacaradotin Asaduku,

1 Ŋirw. 8:4

ido yaa Asaduku ŋin ŋina ka Acamunet ke Ekapolon; kitipeiyoryata edakito kaapei ke Eema ŋolo elipyata ikes, yaasi ikes ŋiboro daadaŋ ŋulu ke etal ŋulu aya tooma Eema ŋol. Arae ŋisacaradotin ka ŋilepi etipeiyoryata ŋiboro ŋul daadaŋ.

1 Ŋakiro a ŋirwa 15:15

Apotu nai ŋilepi todakut Asaduku ka Akuj eryoŋito aloseketa, iwuakinitae kidiama ŋakito, lopite ŋolo sek ecikitor Moses ikes anakirot ke Ekapolon.

1 Ŋakiro a ŋirwa 15:25

Aŋun, apotu Daudi ka ŋikasikou a Ŋisirael ta ŋikarikok a ŋikajiok a ŋalipulipui, toloto akiom Asaduku ŋina ka Acamunet ke Ekapolon, oma alokai ka Obededom eeosi ka alelyanu.

1 Ŋakiro a ŋirwa 16:16

Etamunit iŋes acamunet ŋina abu iŋes tocamunos ka Aburaam ka akiikinet keŋ ŋina abu kikoŋ neni ka Isaka.

1 Ŋakiro a ŋirwa 26:4

Arae lu ŋidwe ka Obededom ŋulusapa: Ŋolokiyae iŋes Semaia, ŋolo a ŋiarei iŋes Yeosabad, ŋolo a ŋiuni iŋes Yoa, ŋolo a ŋiomwon iŋes Sakar, ŋolo a ŋikan iŋes Nesanel,

1 Ŋakiro a ŋirwa 26:5

ŋolo a ŋikanikapei iŋes Amiel, ŋolo a ŋikanikaarei iŋes Isakar ka ŋolo a ŋikanikauni iŋes Peulesai. Etiyakin ŋun anerae abu Akuj kiterereŋ Obededom.

2 Ŋakiro a ŋirwa 5:2

Ekaku nai a ŋun, tonyarau Solomon ŋikasikou ka ŋikarikok a ŋikabilae a Ŋisirael daadaŋ ta ŋikarikok a ŋatekerin a Ŋisirael, potu ŋul Yerusalem, ikotere yaut kiŋa alotaun a Daudi, iŋes Sion Asaduku ŋina ka Acamunet ke Ekapolon.

Mat. 10:42

Nabo ituŋanan daadaŋ ŋini itamasi ipei alokidiŋ ŋulu cicik lu, tari epeikopo ŋolo a ŋakipi a ŋuna alilimok, aŋuna eraakar ekewuapan kaŋ, eryamuni kire eropit keŋ.”