2 Sam. 5:9 - Ebaibul

⁹ Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Sam. 5:9 Iomraidhean Croise

2 Sam. 5:7

Tari daŋ kelimunito ikes ikoŋina, abu Daudi kikama aduketait a Sion ŋinajiet. Enyaritae tokona etaun ŋol ebe “Etaun a Daudi.”

2 Sam. 5:8

Aris Daudi kelimu akoloŋit ŋin ebe, “Ituŋanan daadaŋ ŋini iburit akiloun Ŋiyebusi, itemokino iŋes kisitiya akitelosit a ŋakipi tolomarya neni eya ŋikaŋwalak ka ŋimudukanotin ŋul ŋulu erae ŋimoe a Daudi.” Aŋun, arubakis ŋituŋa ebasi, “Nyepedorete ŋimudukanotin ka ŋikaŋwalak alomar kai.”

2 Sam. 6:10

Aŋun, abu Daudi tojamak akiya Asaduku ŋina ka Acamunet lotaun a Daudi. Akilo akiya nen, abu Daudi ya Asaduku ŋina ka Acamunet kai ke Egititait a ŋolo anyaritae Obededom.

1 Ŋirw. 11:27

Ŋakiro ŋuna aŋeryo Yeroboam erwosit ikes nu: Kebu Solomon toduk akititis ido kebu togolonok neni keorori anarwatata a ŋina ke etaun a Daudi a papa keŋ.

1 Ŋirw. 2:10

Totwana nai Daudi iwapei ata papaa keŋ tonukae akuwan keŋ lotaun a Daudi.

1 Ŋirw. 9:15

Erae lu ŋiticisyo ŋulu abu Solomon toreik ŋituŋa akitiya: Akiduk Akai ke Ekapolon, akai keŋ a elope ka akiduk arwatata nakititis ŋina a etaun ta akiduk ŋarwatatain ŋuna a Yerusalem, Asor, Megido ka Geser.

1 Ŋirw. 9:24

Kedau nakoku a Parao acunar alotaun a Daudi kelot kai keŋ ŋina adukokinit Solomon iŋes, abu Solomon toduk arwatata nakititis ŋina alowae a ŋolo alo Kide Akai ka Akuj.

2 Ŋirw. 12:20

Apotu ŋikapolok ŋulu ewuapito Yoas anapolou totuko, tolukis iŋes, toarakis kai a Milo ŋina ayai lorot ŋolo elosere Sila.

2 Ŋirw. 12:21

Arae Yosakar lokoku a Simeas ka Yeosabab lokoku a Somer, ikes aarete iŋes. Tonukae iŋes neni anukitae atapapaa keŋ alotaun a Daudi. Kilunyokin lokoku keŋ ŋolo anyaritae Amasia lokicoloŋ toruwor erwosit.

1 Ŋakiro a ŋirwa 11:8

Abu Daudi todukok arwatata a etaun a ŋol kisiryam, akisyakin anakititis a ŋina ayai Kide etaun kiryam cib; tosubanak nai Yoab etaun neni ce daadaŋ.

2 Ŋakiro a ŋirwa 32:5

Abu nai Esekia kisitiya ŋituŋa ka agogoŋu. Kitemonokis neni amunaara anarwatata daadaŋ, todukonokis narwatata ŋaduketa ŋuna aoyak ka todukokis arwatata ace kiŋa ŋinaŋorot sek, kititioto nabo akititis ŋina ayai lotaun a Daudi. Abu daŋ Esekia kitiyau ŋakwaaras ka ŋaupala ŋuna alalak nooi.

Neem. 3:15

Todukok Salum lokoku a Kolose, ŋolo arae ekepukan a akibois a Misipa, epuke ŋolo a Elelya, todukok arwatata kidiama epuke, kiwuak daŋ ŋikekya, ŋigolyet ka ŋasuwa ŋuna ilorere epuke, tosodi todukok arwatata ŋina ka akare a ŋina a Sela, a akare a emanikor a ŋolo ke erwosit akitodol nadoketa ŋuna etiyaere, kori edokanarere lotaun a Daudi.

Ŋikiru. 122:3

Edukitoe Yerusalem egogoŋ nooi erae etaun ŋolo epedorete ŋituŋa daadaŋ acunakin tooma keŋ.

Isa. 29:1

Ekaŋ iyoŋ Ariel, Ariel, etaun ŋolo abu Daudi kiboikin! Kimoryanak ŋikaru elunyanar a ŋipeipei, kimyek ŋasuban daadaŋ ŋuna a ŋolokaru torubakinae itiyao.

Ŋikat. 9:20

Nai ani pa kitiyato ŋun, emaikina atwanare togeu aneni ka Abimelek tomunya ŋikapolok ŋulu a Sekem ka ŋulu a Bes-Milo ka emaikina atwanare togeu alokapolok a Sekem ka ŋulu a Bes-Milo toar Abimelek.”

Ŋikat. 9:6

Tocunakinos nai ŋikapolok a Sekem ka ŋituŋa a Bes-Milo daadaŋ, toloto kituruwosi Abimelek erwosit alodiyete ekuyon ŋolo ayai neni asipokinitae epir ŋolo ayai diyete Sekem.