2 Sam. 5:3 - Ebaibul

³ Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ.

2 Sam. 5:3 Iomraidhean Croise

2 Sam. 2:4

Apotu nai ŋituŋa alo Yudaya potu Eburon, kituruwosi Daudi a nen erwosit ŋolo a Yudaya. Ani elimokinete ikes Daudi ŋakiro nu ebe, “Arae ro ŋituŋa a Yabes-Gilead apotu tonuka Saul,”

2 Sam. 2:7

Aŋun, totitinyoto ka todedeŋiata, anerae atwana Saul ekapolon kus, ido adaut ŋituŋa a Yudaya aseun ayoŋ aruwor erwosit kec.”

2 Sam. 3:21

Tema Abiner neni a Daudi, “Kimyekinae ayoŋ olot ocunak Ŋisirael daadaŋ aŋuna kon erwosit ekapolon kaŋ, ikotere iyoŋ icamunosi ka ikes, ido nai kipuka iyoŋ ibore daadaŋ ŋini ecamit etau kon.” Aŋun, abu Daudi kitolot Abiner, torotok a nen emam ŋace.

1 Ŋirw. 1:34

Ani idolete nen, tolimokis esacaradoti Sadok ka ekadwaran Nasan kiosakis iŋes akimyet kituruwosi erwosit a Isirael. Ani ekaku, tokutakis arupepe temasi, ‘Ikigasi isua torubak erwosit Solomon eyari.’

2 Ŋirw. 11:17

Abu Yeoida ŋolo arae esacaradoti kiwuak acamunet kidiŋ Ekapolon ke erwosit ta ŋituŋa, ikotere toruworos ikes ŋituŋa ke Ekapolon. Kiwuak daŋ acamunet kidiŋ erwosit ka ŋituŋa.

1 Ŋakiro a ŋirwa 11:1

Ekaku a ŋun, tocunun ŋatekerin a Isirael daadaŋ Eburon neni a Daudi temasi, “Kiira, ikirae isua akuwan kon ka ŋaokot kon.

1 Ŋakiro a ŋirwa 11:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ lopite ŋolo alimunitor Ekapolon aneni a Samuel.

1 Ŋakiro a ŋirwa 28:4

Kikote neni daŋ, abu Ekapolon Akuj a Ŋisirael okoseu ayoŋ alotuŋa a ŋulu ke ekal kosi a daadaŋ aruwor erwosit a Ŋisirael ŋikaru ka ŋikaru. Abu Akuj toseu ekabila a Yuda akirik Ŋisirael, ido alotuŋa a Yuda, abu toseu ekal a papa kaŋ, alodwe a papa kaŋ a ŋulusapa, abu tocamak akituruwor ayoŋ erwosit a Ŋisirael a daadaŋ.

2 Ŋakiro a ŋirwa 23:16

Abu nai Yeoiyada esacaradoti kiwuak Acamunet kidiŋ keŋ ka ŋituŋa daadaŋ kaapei ka erwosit ikotere ikes eruworosi ŋituŋa a Ekapolon.

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Awos. 3:16

“Ape tocunak ŋikasikou a Ŋisirael, tolimok ikes ebe, ‘Abu Ekapolon Akuj totakanu neni kaŋ, Akuj ka Aburaam, Akuj a Isaka ka Akuj a Yakob, ebala; adau ayoŋ akiŋolikin iyes ka aanyun ŋuna adaun akitiya neni kus anakwap a Ijipit.

Yos. 10:36

Ani kirikakin akikamar Egilon, abu Yosua ka Ŋisirael tolunyaros, toremo etaun Eburon.

Ŋikat. 11:11

Abu nai Yepesa torukosi ka ŋikasikou ŋulu alo Gilead, kituruwosi ŋituŋa a Gilead Yepesa ekepukan ka ekarikon kec; ido abu Yepesa kiruwor ŋakiro keŋ daadaŋ alokiŋaren Ekapolon alo Misipa.

1 Sam. 11:15

Aŋun, apotu ŋituŋa daadaŋ toloto Giligal, kituruwosi Saul erwosit a nen alokiŋaren Ekapolon. Toara ŋamuronisya ŋuna ke ekisil a nen alokiŋaren Ekapolon. Tolelyana nooi Saul ka Ŋisirael daadaŋ a nen.

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.

1 Sam. 23:18

Tocamunos ikes ŋuluarei ŋul alokiŋaren Ekapolon. Torubak nai Daudi iboi alotaun a ŋolo anyaritae Ores, ido toboŋo Yonasan lore kec.