2 Sam. 4:11 - Ebaibul

¹¹ Etya nai aronis itiyakinio neni a ŋulu aronok, a ŋulu aar ituŋanan ŋini emam ibore esecit, ituŋanan ŋini arae lokitaada kai keŋ a elope aperyo ai? Aŋuna tokona ibukoryata iyes ŋaokot keŋ a ŋakan kus, nyemaikina mono ayoŋ okoar iyes toŋopiyasi anakwap a?”

2 Sam. 4:11 Iomraidhean Croise

Akisy. 4:11

Anyoun tokona, iruwor iyoŋ ŋolo ilamam nooi, nyitae iyoŋ nabo ŋalup ŋuna apotu toŋaar kijuwasi ŋaokot alokaato kon a ŋolo ibu iyoŋ toar.

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Akisy. 7:23

Tomunyar ibore daadaŋ ŋini ayari anakwap, akisyakin alotuŋa, alobaren, aloboorei a ŋulu elyato daadaŋ ka ŋikyeny. Noa bon abu kidoŋ ka ŋulu arukitotor iŋes anataker.

2 Sam. 16:8

Enyaŋa Ekapolon aneni kus a daadaŋ ŋaokot a ŋituŋa a ekal a Saul a ŋolo ilunyokina iyoŋ lokicoloŋ keŋ akipuka, adau Ekapolon ainakin apukan neni ka Abusalom a lokoku kon. Kiŋolik iryamu tokona iyoŋ ŋican, anerae idaunit iyoŋ akiar ŋituŋa.”

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

Ŋikiru. 109:15

Emaikina nyimuryakis Ekapolon ŋasecisya keŋ jik, emaikina nyetamun ikes anakwap a na;

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Awos. 21:12

“Ituŋanan ŋini eari ŋinice, emaikina iŋes daŋ toarae.

Awos. 9:15

Kerae ekyaarite ayoŋ akan kaŋ akiar iyoŋ ka ŋituŋa kon a ŋidekesyo, kemam tokona iyes ŋini eyai nakwap kus na.

Ŋakit. 2:22

Nai elemaryo anakwap ŋulu aronok, itoŋopiyaryo anakwap ŋulu nyeyakatar anupit neni ka Akuj.

Ŋakit. 25:26

Ituŋanan ŋini iyookino sek, ido kimyek akiyookino kiwuap ŋuna itiyaete ŋulu aronok, ikwaan iŋes ka elelya ŋolo keruwor ecoto bon, kori ka eitanit ŋolo eitunit ŋakipi ŋuna abosak.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Abak. 1:4

Aŋun, nyeriŋa emisitae ŋuna ebasi ŋikisila, emam ŋuna iyookino ŋuna itopolooritae, irikaete ŋulu aronok ŋulu iyookino. Aŋun, emanar akiyookino kaku.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.