2 Sam. 3:39 - Ebaibul

³⁹ Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

2 Sam. 3:39 Iomraidhean Croise

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

2 Sam. 19:13

Kicik Daudi ŋikiakia ŋul tema, ‘Kiŋita Amasa atemar, meere mono iyoŋ akuwan ka ŋaokot kaŋ a? Elipi ayoŋ Akuj kitiya ŋuna aronok neni kaŋ, tari daŋ kerae ŋuna aronok nooi, erae keketuruwo ayoŋ iyoŋ ekarikon a ŋasigarya kilunyokin lorot a Yoab.’ ”

2 Sam. 19:22

Nai abu Daudi kiŋit iŋes tema, “Nyo mono emaikina ayoŋ etiya neni kus ŋidwe a Seruia ŋulusapa, aŋuna iruworotor iyes nakoloŋit na ŋimoe kaŋ? Ejok mono akiar ituŋanan idio alo Isirael akoloŋit na a? Nyeyenuna mono ayoŋ akoloŋit na atemar arae ayoŋ erwosit ŋolo epukat Isirael a?”

2 Sam. 3:38

Kiŋit nai erwosit ŋiketiyak keŋ tema, “Nyiyenete iyes atemar atwana nakoloŋit na ekarikon ekile ŋolo ajion alo Isirael a?

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

1 Ŋirw. 2:9

Aŋun, nyimyek iŋes esibit nyesecit, Irae iyoŋ ekile ŋolo ios, iyenuni iyoŋ ŋuna kitiyakina neni keŋ. Emaikina iŋes tonukae iredito ŋoakot akou keŋ ŋina aŋakorwo nin.”

1 Ŋakiro a ŋirwa 22:5

Tema Daudi, “Edit Solomon lokoku kaŋ, emam ŋuna eyeni iŋes akitiya nooi, ido Akai ŋina emaikina todukoe aŋuna ke Ekapolon, emaikina erae ŋina ailiilon nooi, ŋina eyenen, ŋina itopolooritae anakwapin a daadaŋ; aŋun, emaikina ayoŋ etemonokin aŋuna keŋ.” Aŋun, abu Daudi kitemonok ŋiboro ŋulu alalak nooi ŋulu edukere Akai ŋin eriŋa apaki ŋina etwania iŋes.

1 Ŋakiro a ŋirwa 29:1

Tema nai erwosit Daudi neni a ŋituŋa a ŋulu atukokina daadaŋ, “Lokoku kaŋ lo Solomon ŋolo erae iŋes aseu Akuj, eriŋa iŋes edit, ido emam ŋuna alalak ŋuna eyeni. Epol etic nooi, anerae Akai ŋina ti apolon na, meere ŋina a ŋituŋa, nai erae ŋina ke Ekapolon Akuj.

2 Ŋakiro a ŋirwa 13:7

Abu Yeroboam tocunak ŋasyaanisya ŋace ŋuna koŋinae, toloto toŋero Reoboam lokoku a Solomon apaki ŋina ariŋaakar edit emam ŋuna ayeni akitepegia ikes.

Ŋikiru. 101:8

Amunyari ayoŋ a ŋinataparacu daadaŋ ŋulu aronok anakwap; amunyari ayoŋ alotaun ke Ekapolon daadaŋ ŋulu itiyaete aronis.

Ŋikiru. 28:4

Kisican ikes alopite a ŋolo itiyaata ka alopite a ŋolo ka aronis a ŋiticisyo kec; kisican ikes alopite a ŋolo a ŋiticisyo a ŋakan kec; inak ikes akisicanet ŋina emaikina toryamut;

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 7:16

Eboŋokini aronis kec ikes pei; ewani ikes aryenyeo kec pei.

Ŋikiru. 75:10

Elemari Akuj apedor a ŋulu aronok a daadaŋ, nai iatakini apedor a ŋulu iyookino.

Awos. 21:12

“Ituŋanan ŋini eari ŋinice, emaikina iŋes daŋ toarae.

Ŋakit. 20:8

Ani kiboikin erwosit lokicoloŋ keŋ ŋolo ipukator ecamit akitub ŋakiro, epedori ayenun ŋakiro ŋuna aronok anakitere epite ŋolo eyakatar ŋituŋa.

Ŋakit. 25:5

Ani kelemar ŋituŋa ŋulu aronok aneni a erwosit, ipukae erwosit ejok anakiyookino.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Yer. 38:5

Tema erwosit Sedekia, “Iŋes lo, eyai napedor kus, anerae emamukar erwosit apedor ŋina ikiŋeryo iyes.”

Dan. 6:16

Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Ŋirom. 13:4

Anerae erae iŋes eketiyan ŋolo ka Akuj, ŋolo itiyae etic keŋ aŋuna ka akiŋarakin iyoŋ. Nai ani kitiya iyoŋ ŋuna aronok, itemokino tokuryaniar aneni keŋ, anerae eyakar iŋes apedor ŋinakisicanet iyoŋ. Erae iŋes eketiyan ŋolo ka Akuj ŋolo eyauni akisicanet ŋina ka anyunyura a ŋina ka Akuj neni a ŋulu itiyaete ŋuna aronok.

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

Ŋikat. 9:57

abu daŋ Akuj kimyek aronis a ŋituŋa a Sekem toboŋok ikes pei, apotu ŋilam a Yosam alokoku a Yerubaal pena neni kec.