2 Sam. 3:35 - Ebaibul

³⁵ Ani ekaku, potu ŋituŋa daadaŋ neni a Daudi akimaima iŋes kimuj akimuj adio eriŋa apaaran. Nai abu Daudi kikoŋ tema, “Elipi ayoŋ Akuj kitiya ŋuna aronok neni kaŋ, ata keroko nooi adepar daŋ; erae keir ayoŋ amugati adio, kori idiobore daadaŋ eriŋa akoloŋ nyedoiyoro!”

2 Sam. 3:35 Iomraidhean Croise

2 Sam. 1:12

Kiwololoto ka kigworo aŋuna a Saul ka Yonasan lokoku a Saul ka aŋuna a Ŋisirael a ŋituŋa a Ekapolon. Kiredakis ikes akiron akitodol eboŋ. Etiyaete ikes ŋun daadaŋ aŋuna keponere toarae Ŋisirael ŋulu alalak.

2 Sam. 12:17

Potu ŋikasikou ŋulu arae ŋiyeneta keŋ, towua alodiyete keŋ, akimaima iŋes tonyou a nen alokwap, nai abu Daudi nyecamu, nyimuj tari akimuj kaapei ka ikes.

2 Sam. 3:34

Pa ikirocitae iyoŋ ŋakan, pa ikirocitae iyoŋ a ŋiriko ŋakejen ibu iyoŋ imin nakan a ŋulu aronok. lopite ŋolo eminio ituŋanan nakan a ŋulu aronok.” Kikalout nabo ŋituŋa daadaŋ aŋuna ka Abiner.

2 Sam. 3:36

Kiirasi ŋituŋa daadaŋ ŋakiro ŋun, tolakaros; lopite ŋolopei sek etalakaritor ikes daadaŋ ibore daadaŋ ŋini etiyae erwosit.

2 Sam. 3:9

Elipi ayoŋ Akuj kitiya ŋuna aronok neni kaŋ, ata keroko nooi adepar daŋ! Erae pa keŋarak ayoŋ Daudi etiya ŋakiro ŋuna abu Akuj kiik iŋes ikoŋi nu:

1 Ŋakiro a ŋirwa 10:12

tonyout ŋikilyok a Yabes-Gilead daadaŋ ŋulu adedeŋak, tolemut akuwan a Saul ka ŋuna a ŋidwe keŋ a ŋulusapa, yaut Yabes. Tonukakis kwap ekitoe ŋolo ayai Yabes ŋolo apolon nooi ŋolo esibit ekwaakwaa, ido kiredakis akiron ŋirwa ŋikanikaarei.

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Esek. 24:22

Itiyaete nai iyes lopite ŋolo adaunia Esekiel akitiyaa. Nyirapete iyes kwap ŋireetin kus, kori nyinyamete iyes akimuj ŋina enyamete ŋikegworok.

Ŋikat. 20:23

Kitipeiyosi Ŋisirael, kigworo neni ke Ekapolon apaaran daadaŋ akitodol eboŋ, kiŋita nabo ikes Ekapolon ŋakiro temasi, “Elosyo ba nabo isua diyete akicodor akitijikin ŋiyeneta kosi ŋituŋa a ekabila a Benjamin a?” Toboŋok Ekapolon ikes tema, “Toloto kitijikisi ikes.”

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

Rus. 1:17

Neni itwanikini iyoŋ, atwanikini ayoŋ ka nen iŋes akanukakinio ayoŋ. Aŋun, ekoŋi ayoŋ kitiya Akuj neni kaŋ erono erae kikityak iwon ibore ice pa kerae atwanare.”

1 Sam. 3:17

Kiŋit Eli iŋes tema, “ Anukiro abu Ekapolon ikilimok iyoŋ? Nyimunon ŋakiro ŋun aneni kaŋ. Elipi ayoŋ kitiya Akuj ŋuna aronok neni kon kitiya ŋun erono nooi, erae kikimunon iyoŋ ayoŋ ŋuna abu iŋes itolimok iyoŋ.”