2 Sam. 3:25 - Ebaibul

²⁵ Emaikina iyoŋ toyeni atemar abunit Abiner lokoku a Ner ne amodikin iyoŋ ka ayenun epite ŋolo iyakar iyoŋ a ne ta ibore daadaŋ ŋini itiyae iyoŋ.”

2 Sam. 3:25 Iomraidhean Croise

Akisy. 42:12

Nai toboŋok iŋes ikes tema, “Mam, iponito iyes akiŋolikin epite ŋolo elapatya akwap na!”

Akisy. 42:16

Kimyekisi epei alokidiŋ kus toboŋo yau lokaato kus. Tosodi iyes ŋuluce kiboiyosi lojera, ikotere toanyunere ŋakiro ŋuna irworosi iyes, erae kire kirworosi iyes ŋuna iyookino, ani pa kikote nen, ekoŋi ayoŋ alokiro a Parao. Kire jik, irae iyes ŋirototin.”

Akisy. 42:9

Totamu daŋ Yosepu ŋakirujaeta ŋuna erujat iŋes aŋuna kec. Tema neni kec, “Irae iyes ŋirototin; iponito iyes akiŋolikin epite ŋolo elapatya akwap na!”

2 Sam. 10:3

kiŋita ŋikapolok a Ŋiamoni Anun ekapolon kec temasi, “Itami kire iyoŋ atemar itopoloorit Daudi papa kon aŋuna eyakuunia ŋituŋa alimokin iyoŋ akiyaloloŋ keŋ aŋuna apapa kon a? Meere mono aripirip iyakuunitor Daudi ŋituŋa, ikotere erosete ejok, ido kikamasi akwap a?”

2 Sam. 3:24

Abu nai Yoab tolot neni ke erwosit kiŋit iŋes tema, “Anukiro itiya iyoŋ? Abu Abiner bu neni kon; kaanukiro itorokinio iyoŋ iŋes tolot iwace?

2 Sam. 3:26

Ani elomuni Yoab aneni arukitotor ka Daudi, kiyakiya ŋituŋa kiwuapakis Abiner, ido apotu ŋituŋa ŋul kinyakut Abiner alokare a ŋina ayai Sira. Nai pa ayeni Daudi atemar enyakut ikes Abiner.

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

2 Ŋirw. 18:32

akitodol ŋina akaomunio ayoŋ iyes akiya nakwap ŋina ikwaan ka ŋina kus, nakwap ŋina eya ŋikinyom ka epiini, nakwap ŋina eya ŋamugati ka ŋimanikorin ŋulu ke epiini, nakwap ŋina eya ŋikito ŋulu ka akimyet ka eyai ao daŋ. Ikiteyarete iyes ŋamuja ŋun, nyitwakete. Kiuryaasi Esekia nyikimodianak aŋuna irworor ebe, ‘Ikilakuni Ekapolon iyes.’

Ŋikiru. 121:8

Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.

Isa. 37:28

Ayeni ayoŋ apaki ŋina inyounio iyoŋ ka apaki ŋina iboikinor iyoŋ, ayeni ayoŋ apaki ŋina ilomarya iyoŋ kiŋa ka ŋina ilomunia iyoŋ tooma, ayeni ayoŋ epite ŋolo ikidedeŋikinitor iyoŋ ayoŋ.

Ekim. 27:17

ŋini iŋarenikini ikes elosete lojie, ido toboŋunio, ŋini iŋarenikini ikes aloticisyo kec a daadaŋ ikotere ŋituŋa a Ekapolon nyikwaanikin ka ŋamesekin ŋuna emam ekeyokon.”

Yoa. 7:12

Alal nooi anasuban akiŋaiŋaa ŋina a ŋituŋa aŋuna keŋ. Abasi ŋice, “Erae iŋes ekile ŋolo ajokan.” Ŋice abasi, “Emam, ibatarit iŋes ŋituŋa.”

Yoa. 7:47

Kiŋita Ŋiparisayon ikes temasi, “Ikibata iyes daŋ ekile ŋol a?

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

Ŋikis. 28:6

“‘Ikiterereŋi Ekapolon iyes ilomarete kiŋa ka ilomunete tooma lorerya kus.