2 Sam. 3:16 - Ebaibul

¹⁶ Nai abu lokile keŋ totupak iŋes, igworo iwuapit iŋes alokaku ŋinapei a nen tari Baurim. Kiŋenyak nai Abiner iŋes a nen tema, “Toboŋo lore!” Aŋun, abu Palitiel toboŋo lore.

2 Sam. 3:16 Iomraidhean Croise

2 Sam. 16:5

Ani edoluni erwosit Daudi neni anyaritae Baurim, bu neni keŋ ekile ece anateker ata Saul. Arae iŋes Simei lokoku a Gera. Ani elomuni Simei Baurim, kisyak akicen Daudi.

2 Sam. 17:18

Nai kebu esorokit epei kiŋolik ikes, ido tolot tolimok Abusalom. Aŋun, apotu ikes ŋuluarei ŋul torotokis a nen atipei toloto kai ke ekile ke ece a ŋolo alo Baurim. Ayakar ekile ŋol akare keŋ lore keŋ, ido apotu Aimas ka Yonasan todokasi kare ŋin.

2 Sam. 19:16

Simei lokoku a Gera ŋolo abunit alo Benjamin anitaun a ŋini anyaritae Baurim, iŋes abu kiwonyakinia ŋituŋa a Yudaya totiyaaror Yorodan akisiryam erwosit Daudi.

2 Sam. 19:17

Arukito iŋes ka ŋituŋa ŋulu alo Benjamin aliput. Apotu Siba daŋ ŋolo arae eketiyan alore a Saul kiwonyakis kaapei ka ŋidwe keŋ ŋulusapa ŋitomon ka ŋikan ka ŋiketiyak keŋ ŋatomoniarei, totiyaaros Yorodan neni ayai erwosit.

2 Sam. 23:31

Abialibon ŋolo alo Araba; Asimapes ŋolo alo Baurim;

2 Sam. 3:15

Kiyakiya Isiboses ŋituŋa neni a Mikal, yaut ŋul Mikal aneni alokile keŋ a ŋolo anyaritae Palitiel, a ŋolo arae lokoku a Lais.

1 Ŋirw. 2:8

Toyenu daŋ atemar irukito iyoŋ ka Simei lokoku a Gera a ŋolo ebunit alo Baurim, alokabila a Benjamin. Abu iŋes ekelam ayoŋ neni aronon nooi akoloŋit ŋina arotokinio ayoŋ Manaim; nai akoloŋit ŋina atiyaunor iŋes akisiryam ayoŋ alo Yorodan, abu ayoŋ ekoŋ neni keŋ alokiro a Ekapolon otema, ‘Nyakaari ayoŋ iyoŋ.’

Yer. 41:6

Tolomu Isimael lokoku a Nesania kiŋa alo Misipa akisiryam ŋikilyok ŋul, egworo iŋes ebunit. Ani iryamun iŋes ka ikes, tolimok ikes tema, “Potu neni a Gedalia a lokoku a Aikam.”