2 Sam. 24:25 - Ebaibul

²⁵ Abu Daudi todukok nen Namuroet aŋuna a Ekapolon, ido inak Ekapolon ŋainakineta ŋuna epeyo ka ŋuna ke ekisil a nen. Aŋun, abu Ekapolon toboŋok akilipa a Daudi aŋuna ka akwap kec, ido abu Ekapolon tolema edeke tojoŋo akiar Ŋisirael.

2 Sam. 24:25 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 22:9

Ani edolunete ikes nakibois ŋina alimokinit Akuj Aburaam, todukok Aburaam Namuroet nen, kinapinapak ŋakito ejok, toen lokoku keŋ Isaka kidokok nakito kidiama Namuroet.

Akisy. 8:20

Todukok Noa Namuroet aŋuna ka Akuj, tolemu ŋityaŋ ka ŋikyeny ŋulu itojokitae, tope a Namuroet erae ainakinet neni ka Akuj.

2 Sam. 21:14

Apotu nai ikes tonuka ŋakoyo a Saul ka ŋuna a Yonasan alokoku keŋ neni anukitae Kis papa a Saul, nakibois ŋina anyaritae Sela alo Benjamin. Apotu ŋituŋa kitiyata ŋakiro daadaŋ ŋuna ecikit erwosit ikes akitiya. Kedaut ikes akitiya ŋun, abu Akuj kiira ŋakiro ŋuna elipyata ŋituŋa ekiito ŋasecisya kec aŋuna ka akwap kec.

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

1 Ŋirw. 1:1

Abu erwosit Daudi tomojoŋ, tolalata ŋikaru nooi, tolilimiyo akuwan keŋ, tari daŋ ŋina imukorere iŋes a ŋilowi, apa apedori nen akitomwanun akuwan keŋ.

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Ekim. 17:13

Ituŋanan daadaŋ ŋini eapiyari Nasaduku ŋina ka Acamunet ke Ekapolon etwani. Etwakyo mono isua daadaŋ a?”

Ŋikat. 21:4

Akoloŋit ŋina atupakini, tokyenyut ŋituŋa taparacu sek todukokis namuroet nen, ido inakis ŋainakineta ŋuna epeyo ka ŋamuronisya ŋuna ke ekisil.

Ŋikat. 6:24

Abu nai Gideon todukok namuroet nen aŋuna ke Ekapolon, tolimok ekiro a namuroet a ŋin “Ekapolon iŋes erae ekisil” Eriŋa namuroet ŋin eyai Opira lotaun ŋolo a Ŋiabieseri tari tokona.

1 Sam. 13:9

Aŋun, abu Saul tema, “Yautu ainakinet ŋina epeyo ŋin neni kaŋ kaapei ka ŋainakineta ŋuna ke ekisil.” Inak nai Saul Akuj ainakinet ŋina epeyo.

1 Sam. 14:35

Todukok Saul Namuroet aŋuna a Ekapolon nen; arae ŋin Namuroet ŋina ke ekiŋaren, ŋina abu Saul todukok aŋuna a Ekapolon.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.

1 Sam. 7:9

Aŋun, abu Samuel tolemu imesek ŋini ariŋa enaki, inak neni ke Ekapolon erae ainakinet ŋina epeyo; kigworonok Samuel Ekapolon aŋuna a Ŋisirael, toboŋok nai Ekapolon akilip a Samuel.