2 Sam. 24:2 - Ebaibul

² Aŋun, abu erwosit tolimok Yoab kaapei ka ŋikarikok a ŋasigarya keŋ ŋulu arukito ka iŋes tema, “Toloto lokabilae a Isirael daadaŋ ŋinapei alo Dan tari Beeriseba, kimara ŋikilyok ŋulu epedorito ejie, ikotere ayoŋ ayenuni ekimar kec.”

2 Sam. 24:2 Iomraidhean Croise

Akisy. 21:14

Tonyou Aburaam taparacu sek, ya ŋamugati ka ŋakipi eya lolou a ibarasit ŋolo aeniunitae erae ecwee a ŋakipi, inak Agar kitanapik loseketa keŋ kaapei ka ikoku, ido kitolot iŋes. Torotok Agar, kirim analoŋisat a ŋina alo Beeriseba.

2 Sam. 17:11

Nai ŋuna alimuni ayoŋ ikes nu, ‘Emaikina tocunakinos Ŋisirael daadaŋ neni kon ameun alo Dan tari Beeriseba. Emaikina ikes elalak nooi ikwa asinyon alokipetot ka anam. Emaikina iyoŋ elope torik ikes iyai lojie.

2 Sam. 2:13

Kepotu Yoab lokoku a Seruia ka ŋiketiyak a Daudi toloto nen, kiryamunos ka ikes nabwal ŋina a Gibeon. Kiboikin ajore apei abwal epeiwae, kiboikin ŋinace abwal lowae ŋoloce.

2 Sam. 20:23

Arae Yoab ekarikon a ŋasigarya a Isirael daadaŋ apaki ŋin; arae Benaia lokoku Yeoiyada arikit ŋasigarya a ŋuna a Ŋikeresi ka ŋuna a Ŋipelesi.

2 Sam. 23:37

Selek ŋolo alo Amon; Naarai ŋolo alo Beeros, ŋolo aryoŋit ŋiboro a Yoab alokoku a Seruia ŋulu ke ejie;

2 Sam. 24:15

Aŋun, abu Ekapolon kiyakiya edeke neni a Ŋisirael akisyakin ataparacu ŋin akitodol apaki ŋina atubunit iŋes, ido apotu ŋituŋa ŋalipyo ŋatomonikanikaarei totwaka akisyakin alo Dan tari Beeriseba.

2 Sam. 3:10

Elemario apukan aneni a Saul inakinae neni a Daudi kipuka Isirael ka Yudaya ameun alo Dan tari Beriseba.”

2 Sam. 8:16

Yoab lokoku a Seruia iŋes apolokinit ŋasigarya daadaŋ, ido Yeosapat lokoku ka Ailud iŋes arae ekeŋadan ŋakiro ŋuna igirir.

1 Ŋakiro a ŋirwa 21:2

Aŋun, abu Daudi tema neni a Yoab kaapei ka ŋikarikok ŋulu a ŋasigarya keŋ ebe, “Toloto kimara Ŋisirael akisyakin alo Beeriseba tari Dan, ido ipotu itolimokis ayoŋ, ikotere ayenuni ekimar kec.”

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Yer. 17:5

Ŋakiro ŋuna irworo Ekapolon ikes nu, “Icenen daadaŋ ŋulu ikinyomito ŋituŋa koŋin, ŋulu ituruworito ŋituŋa koŋin agogoŋu kec, ŋulu nyikinyomito alotai kec Ekapolon.

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.