2 Sam. 24:15 - Ebaibul

¹⁵ Aŋun, abu Ekapolon kiyakiya edeke neni a Ŋisirael akisyakin ataparacu ŋin akitodol apaki ŋina atubunit iŋes, ido apotu ŋituŋa ŋalipyo ŋatomonikanikaarei totwaka akisyakin alo Dan tari Beeriseba.

2 Sam. 24:15 Iomraidhean Croise

2 Sam. 24:2

Aŋun, abu erwosit tolimok Yoab kaapei ka ŋikarikok a ŋasigarya keŋ ŋulu arukito ka iŋes tema, “Toloto lokabilae a Isirael daadaŋ ŋinapei alo Dan tari Beeriseba, kimara ŋikilyok ŋulu epedorito ejie, ikotere ayoŋ ayenuni ekimar kec.”

1 Ŋakiro a ŋirwa 21:14

Aŋun, abu Ekapolon kiyakiya edeke neni a Ŋisirael, ido apotu ŋituŋa ŋalipyo ŋatomonikanikaarei totwaka.

1 Ŋakiro a ŋirwa 27:24

Abu Yoab lokoku a Seruia kisyak akimar ŋikilyok, nai abu nyirikak akimar, kikote neni daŋ, abu anyunyura ka Akuj min neni a Ŋisirael aŋuna ka akimar, aŋun, aponi nyigiri ekimar ŋolo eyookino lokitaabo ŋolo egiri erwosit Daudi ŋakiro a ŋirwa a ŋulu epukator iŋes.

1 Ŋakiro a ŋirwa 27:4

Atukot ŋina a ŋaarei, alolap a ŋolo a ŋiarei, arae Eaoit ŋolo anyaritae Dodai apolokinit, arae Mikilo atupit iŋes anapolokinit atukot ŋina a ŋaarei. Ayakasi natukot keŋ ŋikilyok ŋalipyo ŋatomoniarei ka ŋaomwon.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Ekim. 25:9

Nai ŋulu apotu totwaka aŋuna ke edeke arae ŋalipyo ŋatomoniarei ka ŋaomwon.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Akis. 6:8

Ani eŋoliyari, oanyuwa aŋole ŋina nyaŋaliban; anyaritae ekiro ke ekameton aŋole ŋin Atwanare, totupite akwap ŋina a ŋikatwak iŋes. Aponi inakinae ikes apedor ŋinakipukaet atutubet ŋina a ŋaomwon ŋina ka akwap, akiar alotooma ejiye ka eron ka edeke ka ŋityaŋ ŋulu adedeŋak.

1 Sam. 6:19

Abu Ekapolon kisican ŋikilyok a Bes-Semes ŋice, toar ŋatomonikanikaarei aŋuna keponiata ikes toripiyasi tooma Asaduku ŋina ke Ekapolon, aya lokimar ŋol ŋikapolok ŋatomonikan, kigworo ŋituŋa aŋuna abunio Ekapolon tomunyarya ŋituŋa ŋulu alalak nooi.