2 Sam. 24:14 - Ebaibul

¹⁴ Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

2 Sam. 24:14 Iomraidhean Croise

2 Sam. 9:8

Kijuuru Mepiboses itoodiunit akitopoloorit keŋ Daudi tema, “Ŋae ayoŋ eketiyan kon, eŋok ŋolo atwan irimaanikini iyoŋ?”

2 Ŋirw. 6:15

Ani iwalari, kisyokak eketiyan ke Elisa alomar kiŋa, toryamu ŋasigarya ka ŋaŋolei ta ŋagaari irikaunito etaun. Tocelu eketiyan ŋol, tolimok Elisa tema, “Oitakoi! Ekapolon ikimunyar iwon. Ikokinio tokona iwon ai?”

1 Ŋakiro a ŋirwa 21:13

Toboŋok Daudi Gad tema, “Akaryebete ayoŋ ŋakiro nu nooi, kimyekinae ayoŋ ekesican Ekapolon, anerae epol nooi akisyon keŋ; nai nyeruwor ŋituŋa ekesicanete ayoŋ.”

Ŋikiru. 119:156

Okoe Ekapolon, epol nooi akisyon kon; inakinae ayoŋ akiyar alotooma ŋikisila kon.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 145:9

Ejok Ekapolon aneni a daadaŋ, isyoniyenene iŋes daadaŋ ŋulu abu iŋes tosub.

Ŋikiru. 51:1

Okoe Akuj, kisyoni ayoŋ, alotooma amina kon ŋina nyiryaŋiryaŋa; aŋuna ka akisyon kon a ŋina alalan, kikisa ŋasecisya kaŋ.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋakit. 12:10

Eyenete ŋituŋa ŋulu ajokak ibore ŋini icanasi ŋibaren kec, nai eryenyanikinito ŋituŋa ŋulu aronok ŋibaren kec.

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 39:17

Nai akaiuni ayoŋ iyoŋ akoloŋit ŋin, ido nyikiinakinio iyoŋ napedor a ŋulu ikitubulito iyoŋ,

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Yoa. 12:27

“Eryeba ekaatau iyaloloŋi nooi. Okoe, atemari ayoŋ ai? Atemari, Papa toiunae ayoŋ anapaki a na a? Nai arae aŋuna ka apaki a na abunio ayoŋ, ikotere onaikinia ŋican ŋulu ka apaki a na.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.