2 Sam. 24:10 - Ebaibul

¹⁰ Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

2 Sam. 24:10 Iomraidhean Croise

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 24:17

Ani iŋolikini Daudi emalaika ŋolo aari ŋituŋa, tema neni a emalaika, “Ayoŋ bon asecit ka ayoŋ bon adau akitiya aronis ŋina apolon nooi; nai ŋituŋa lu ŋulu ikote ŋamesekin, nyo itiyato ikes? Ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ.”

1 Ŋirw. 8:35

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na, ikoŋete enyarito ekiro kon, tokiwa asecit aŋuna isicania iyoŋ ikes,

1 Ŋakiro a ŋirwa 21:7

Nai abu Akuj nyelakar aŋuna ka akimar ŋituŋa; aŋun, abu kisican Ŋisirael.

1 Ŋakiro a ŋirwa 21:8

Tema nai Daudi neni ka Akuj, “Adau ayoŋ akisec nooi aŋuna etiyaa ŋakiro ŋun. Nai tokona, ekelipi iyoŋ tolema akiilit ŋina ka asecit na aneni a eketiyan kon, anerae etiya ayoŋ nu anabaŋao a ŋina apolon nooi.”

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 32:26

Abu nai Esekia toki alotau ŋuna sek abu iŋes tojamuwa, tokiwa ŋituŋa a Yerusalem daŋ ŋun; aŋun, abu anyunyura ŋina ke Ekapolon nyebu neni kec alorwa a ŋulu araakar Esekia erwosit.

Yob 7:21

Kaanukiro nyikisyonio iyoŋ ayoŋ aŋuna abilya ŋikisila, ido tolema asecit kaŋ? Alotooma apaki ŋina euruwuana, alomari ayoŋ nalup, ikiwari iyoŋ ayoŋ, nai nyarubakini arae ituŋanan.”

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Awos. 10:16

Tonyarau Parao Moses ka Aron atipei tema, “Asec ayoŋ aneni ke Ekapolon Akuj kus ka aneni kus.

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Ekim. 12:11

Tema nai Aron neni a Moses, “Okoe ekapolon kaŋ, nyikisican isua aŋuna ka asecit a ŋina etiyae isua aŋuna ka abaŋao.

Mar. 7:22

elomi, akiŋobel, aronis, amodiyo, ekibure ŋolo aronon, arakao, akiyany, akisupa, abaŋao;

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 8:9

Ani iirarete ikes ŋakiro ŋun, kisyakis arotokin a ŋipeipei, ageun alokasikou, kidoŋ Yesu bon ka aberu ewuoi alokiŋaren keŋ.

Ŋikis. 32:6

Okoe ŋituŋa ŋulu emam aosou, epite mono ŋol itiyaata iyes neni a Ekapolon a? Meere mono iŋes papa kus ŋolo ikisubuni iyes, ŋolo ikituruwori iyes ŋituŋa ka apei akwap a?

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Sam. 13:13

Tema nai Samuel neni a Saul, “Itiya iyoŋ ŋakiro ŋuna ka abaŋao; nyiwuapa iyoŋ ŋakiciketa ŋuna ke Ekapolon ka Akuj kon, ŋuna abu iŋes ikicikak iyoŋ akiwuap, kerae kitiyate iyoŋ ŋun, kesipokinit Ekapolon apukan kon kipuka Ŋisirael ŋikaru ka ŋikaru.

1 Sam. 24:5

Ekaku aŋun, abu Daudi tomaran nooi alotau, anerae abu iŋes totub ecileta a ekaaso a Saul.

1 Sam. 24:6

Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”

1 Sam. 26:21

Tema nai Saul, “Etiya ayoŋ ŋuna aronok; toboŋu ikaakoku Daudi, anerae ibu iyoŋ nakoloŋit na nyilema akiyar kaŋ, nyekatakini nabo ayoŋ akiar iyoŋ. Kire jik abu ayoŋ etiya lopite ŋolo itiyaa ebaŋaanot, ido etiya ayoŋ ŋuna aronok nooi.”