2 Sam. 23:34 - Ebaibul

³⁴ Elipelet lokoku a Aasibai a ŋolo alo Maaka; Eliam lokoku a Aisopel a ŋolo a Gilon;

2 Sam. 23:34 Iomraidhean Croise

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 10:8

Tolomut Ŋiamoni alotaun, kicodosi iwuapito erot epei akisyakin alopuke ke etaun; nai apotu Ŋiarameani ŋulu alo Soba ka ŋulu alo Bes-Reob ka ŋikilyok ŋulu alo Tob ta ŋulu alo Maaka, toriwo neni kec make neni alapat.

2 Sam. 11:3

ido abu Daudi kiyakiya ituŋanan ayenun ejok ŋuna etapito aberu ŋin. Aponi tolimokinae Daudi ebe, “Erae aberu ŋin Basiseba nakoku ka Eliam, aberu a Uria a ŋolo erae Eititait.”

2 Sam. 15:12

Apaki ŋina ainakinia Abusalom ŋamuronisya neni ke Ekapolon, abu iŋes kiyakiya ituŋanan neni ka Aisopel a ŋolo a Gilo, a ŋolo arae ekeŋarakiniton Daudi. Aboi Aisopel lotaun a ŋolo anyaritae Gilo. Kiyatakin nooi acamit ŋina ka akikamar apukan aneni a erwosit, torubakis ŋituŋa ŋulu ariito ka Abusalom iyatasi.

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Sam. 20:14

Kebu Seba kiropiropoo anatekerin a Ŋisirael a daadaŋ tolot tari Abel lore ŋolo ayai Bes-Maaka; ani iirarete Ŋiberi ŋakiro ŋun, kepotu tocunakinos iwapei kiwuapasi Seba Abel.

Ŋikis. 3:14

Abu Yair lopapait a Manase toryamu akwap ŋina ka Arigob daadaŋ tari lokukorin a Ŋigesuri ka Ŋimaakasi, tonyara Yair akwap ŋin a ekiro keŋ, aŋun, tari tokona enyaritae Basan Apos-Yair.)

1 Sam. 26:6

Kiŋit nai Daudi Eitait ŋolo anyaritae Aimelek ka Abisai lokoku a Seruia lokaato a Yoab tema, “Ŋae iyes ikitiyaar ka ayoŋ ama, neni iboiyoto ŋasigarya a Saul, oloto ka ayoŋ neni a Saul?” Toboŋok Abisai tema, “Ikirukori ayoŋ ka iyoŋ.”