2 Sam. 23:17 - Ebaibul

¹⁷ Tema Daudi, “Nyikiryama ka akimat ŋakipi nu! Ikwaanikin nen ka akimat ŋaokot a ŋikilyok a lu a ŋulu apotu todaŋa abukor ŋaokot kec anakiom ŋakipi!” Aŋun, abu Daudi nyemat ŋakipi ŋun. Ŋakiro ŋun, ikes apotu ŋikarwok ŋul ŋiuni kitiyata.

2 Sam. 23:17 Iomraidhean Croise

Akisy. 44:17

Nai tema Yosepu, “Toriwo ŋun aneni kaŋ, ikotere nyetiya ŋun! Ŋolo aryamunio ekopo aneni keŋ bon iŋes eruwor epito kaŋ, nai iyes, toloto kitipeiyosi neni a papa kus a ekisil.”

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

2 Sam. 20:20

Toboŋok Yoab tema, “Nyikiryama ca ayoŋ ka ŋun, toriwo ŋun, nyeelielaari, kori nyenyasuni ayoŋ iŋes!

1 Ŋirw. 21:3

Nai tema Nabos neni ka Aab, “Elipi ayoŋ atemar nyakacamak Ekapolon ayoŋ ainakin iyoŋ ibore ŋini abu ayoŋ erum aneni atapapaa kaŋ.”

1 Ŋakiro a ŋirwa 11:19

Tema Daudi, “Nyikiryama ka akimat ŋakipi nu!” Tema nabo, “Emaikina mono ayoŋ omat ŋaokot a ŋikilyok a lu a ŋulu apotu tojala akiyar kec a? Apotu kire ikes todaŋa abukor ŋaokot kec anakiwom ŋakipi!” Aŋun, abu Daudi nyemat ŋakipi ŋun. Ŋakiro ŋun ikes apotu ŋikarwok ŋul ŋiuni kitiyata.

Ŋikiru. 72:14

Elakununui iŋes akiyar a ŋituŋa a ŋul aneni a ŋulu isicanito ikes ka toryenyanikinito; epol nooi akiyar a ŋituŋa a ŋul anakonyen keŋ.

Ŋilep. 17:10

“‘Ani kenyam Esiraelit edio ŋaokot kori igelaanot ŋini iboiyete ka ikes, etoroniyari ayoŋ ituŋanan ŋin eŋolikini, ido eritari iŋes alotuŋa kaŋ;

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mar. 14:24

Tolimok Yesu ikes tema, “Erae nu ŋaokot kaŋ, ŋuna ka Acamunet, ŋuna ebukoritae ikotere ŋikalalak.

1 Ŋikor. 15:30

Kaanukiro ikiwuakinitor isua akiyar kosi natyokisyo ŋisaae daadaŋ?

Ŋikat. 5:18

Apotu ŋituŋa a ekabila a Sebulon tojala akiyar, ŋituŋa a ekabila a Naputali daŋ apotu tojala akiyar kec anakiboisyo a ŋunamukur.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’

1 Sam. 26:11

Elipit ayoŋ Ekapolon ekeretak ayoŋ nyaar iŋes ŋolo erae Ekapolon abu toseu. Nai tokona, tolemu akwara ŋin ŋina edupa kwap diyete nakou keŋ ka etwo ŋolo a ŋakipi, ido apena.”