2 Sam. 22:36 - Ebaibul

³⁶ Idau iyoŋ Ekapolon ainakin ayoŋ aupal ŋina ikiunia iyoŋ ayoŋ, ido eketopoloosi ayoŋ ŋuna ibunio iyoŋ ikiŋarakinia ayoŋ.

2 Sam. 22:36 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 22:17

eketerereŋi ayoŋ iyoŋ kire jik, ido akainakini ayoŋ iyoŋ kire jik ŋipapae ŋulu alalak ikwa ŋikacer alokidiama ka elalata ikwa asinyon alokipetot a anam. Ikamarete ŋiletok kon ŋitaunio daadaŋ a ŋimoe kec,

Ŋikiru. 115:14

Elipi ikiyatak iyes Ekapolon, iyes kaapei ka ŋidwe kus.

Ŋikiru. 18:35

Idau iyoŋ Ekapolon ainakin ayoŋ aupal kon ŋina akaiuni ayoŋ, Ido eketopoloosi ayoŋ ŋuna ibunio iyoŋ ikiŋarakinia ayoŋ; arubak ayoŋ aiuna aŋuna ka apedor kon.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋiep. 6:16

Ŋapakio daadaŋ, totiŋito anupit ikwa aupal; anerae iŋes ipedoryata iyes akituduŋeo ŋimalyo ŋulu eriraete ŋulu egumunit ŋolo Aronon--Satan.

Ŋiep. 6:17

Tocamutu aiuno ikwa akopiya ŋina iuryarit akou nyewana; totiŋa ikwa atum akirot ka Akuj, ŋina ikiinakini iyes Etau ŋolo ka Akuj.