2 Sam. 22:33 - Ebaibul

³³ Erae Akuj akainanakini ayoŋ agogoŋu, ido iŋes ituruwonori ŋuna etiyae ayoŋ ŋuna iyookino.

2 Sam. 22:33 Iomraidhean Croise

2 Sam. 22:2

Tema iŋes, “Ekapolon iŋes erae ataaba kaŋ ŋinakiupala, aduketait kaŋ ŋina ajio alotooma ka ekaiunan kaŋ,

Yob 22:3

Eyai mono ibore italakarit Akuj erae kirae iyoŋ ituŋanan ŋini iyookino a? Kori nyo eryamuni Akuj aneni kon erae kiboi iyoŋ irae ituŋanan ŋini emam ŋuna ikitoroniyaritere?

Ŋikiru. 101:2

Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋikiru. 101:6

Aminakini ayoŋ ŋulu ikinyoma anakwap, ikotere ikes ikiboi ka ayoŋ; ŋini daadaŋ iboi pa itoronitae eruwor eketiyan kaŋ.

Ŋikiru. 119:1

Elakara ŋituŋa ŋulu itiyaete ŋuna iyookino, ŋulu iboiyete iwuapito ŋikisila ke Ekapolon.

Ŋikiru. 18:32

iŋes abu okoinak ayoŋ agogoŋu, iŋes abu kituruwo ŋuna etiyae ayoŋ ŋuna iyookino.

Ŋikiru. 27:1

Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 32:8

Ebala Ekapolon ebe, “Eketatami ayoŋ iyoŋ ŋipitesyo ŋulu emaikina kiwuap, Eketatami ayoŋ iyoŋ ka akalimokini epite ŋolo emaikina kitiyaa ŋun.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋikis. 18:13

Emaikina iyes torubakis iwuapito ŋuna a Ekapolon Akuj kus.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.