2 Sam. 22:3 - Ebaibul

³ Akuj kaŋ, ataaba kaŋ ŋinakiupala, neni kon iŋes aiunor ayoŋ, iyoŋ irae aupal kaŋ ka akaiunan kaŋ ŋina etiron, neni kon iŋes ayakaun ayoŋ pa eryaŋiryaŋa, neni kon iŋes aŋopya ayoŋ, iyoŋ irae akaiunan kaŋ, ibu iyoŋ ikiu ayoŋ aneni a ŋaryenyaanisya.

2 Sam. 22:3 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

2 Sam. 22:47

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ, ataaba ŋina kiupala, ŋina ka aiuno kaŋ,

2 Sam. 22:49

Akuj ŋina abu okoiu ayoŋ alomoe kaŋ. Ibu iyoŋ ikitopoloo ayoŋ, epuka ŋimoe kaŋ; ibu iyoŋ ikiu ayoŋ alotuŋa a ŋulu aryenyaanak.

2 Sam. 22:51

Einanakini Akuj erwosit ŋolo abu iŋes toseu akilounun ŋimoe keŋ, itoodianakini Akuj erwosit ŋolo abu iŋes toseu arimao keŋ, einanakini Akuj ŋun neni a Daudi ka ŋiletok keŋ ŋikaru ka ŋikaru.”

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

Ŋikiru. 14:6

Iyes ŋikasecak, isimyenakinete iyes ŋulu a ŋican ŋuna eyeunito akitiya, nai erae neni ke Ekapolon eryamuniata ikes aiuno.

Ŋikiru. 140:1

Okoe Ekapolon, tolakunae ayoŋ aneni a ŋulu itiyaete aronis; kiuryarae ayoŋ aneni a ŋulu aryenyaanak,

Ŋikiru. 140:11

Nyicamak ŋulu isudete ŋuluce ŋakiro etenete anakwap; kimyek aronis bu atipei tomunya ŋikaryenyaanak.

Ŋikiru. 140:4

Okoe Ekapolon, kiyokoi ayoŋ anapedor a ŋulu aronok; kiuryarae ayoŋ aneni a ŋulu aryenyaanak, a ŋulu etukete akiar ayoŋ.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 144:2

Erae iŋes Akuj ŋina akamina ayoŋ, aduketait kaŋ ŋina ajio alotooma, akalakunan kaŋ, neni ayakaun ayoŋ pa eryaŋiryaŋa, aupal kaŋ neni aiunor ayoŋ. Abu iŋes okoinak ayoŋ apedor oreu ŋakwapin epuka.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 27:5

Akaiuni iŋes ayoŋ apaki ŋina a ŋican; ekedari iŋes ayoŋ anakibois a ŋina eyai iŋes ka ekesiboikini iŋes ayoŋ nakibois ŋina aiunor.

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 3:3

Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 32:7

Irae iyoŋ neni aŋopitor ayoŋ; ikiunit iyoŋ ayoŋ alocan; ikisirikaunit iyoŋ ayoŋ ŋituŋa ŋulu eeosi ŋieosyo ŋulu ka alelyanu aŋuna ka aiuno.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:2

Aŋun, emam ibore ikitubuli iwon, tari daŋ kemaraniki akwap; kimasar ŋimoru nenicukul ananamyo;

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 5:12

anerae kire Ekapolon, iterereŋi iyoŋ ŋulu iyookino; imukori iyoŋ ikes a amina kon lopite ŋolo ikimukorya aupal.

Ŋikiru. 55:9

Okoe Ekapolon, kisibiler ŋulu aronok, nyiinak ikes tocamunos alorwor kec, anerae ete ayoŋ aryenyeo ka ebura alotaun.

Ŋikiru. 59:16

Nai aeikini ayoŋ etojokit agogoŋu kon, aeikini ayoŋ a ŋinataparacu nooi etojokit amina kon ŋina nyiryaŋiryaŋa; anerae irae iyoŋ aduketait kaŋ ŋinajiet, neni kon aiunor ayoŋ anapakio a ŋuna a ŋican.

Ŋikiru. 61:3

anerae iyoŋ irae neni aiunor ayoŋ, aduketait ŋina agogoŋon ŋina ekeuryarit ayoŋ alomoe kaŋ.

Ŋikiru. 71:7

Arae ayoŋ ŋinapei akitaanyunet ŋina ajokan neni a ŋikalalak, nai iyoŋ irae neni egogoŋ neni aiunor ayoŋ.

Ŋikiru. 72:14

Elakununui iŋes akiyar a ŋituŋa a ŋul aneni a ŋulu isicanito ikes ka toryenyanikinito; epol nooi akiyar a ŋituŋa a ŋul anakonyen keŋ.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 84:9

Okoe Akuj, kiyok erwosit kosi, kiyok ka amina eseuna kon.

Ŋikiru. 86:14

Okoe Akuj, akalosikinito ayoŋ ŋiketurok; iwarit ajore a ŋikaryenyaanak akiar ayoŋ; erae ikes ŋituŋa ŋulu nyikimisito iyoŋ.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋikiru. 9:9

Neni ke Ekapolon iŋes eiunotor ŋulu isicanitae, neni keŋ eyakaun ikes eiuna alorwa a ŋulu a ŋican.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Ŋakit. 30:5

Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 16:9

anerae alimu Ekapolon ŋolo a ŋajoresyo Akuj a Ŋisirael atemar, alorwa kon, alemari ayoŋ anakibois a na ite iyoŋ ecelet ŋolo ka alelyanu ka ŋolo ka alakara, ecelet ŋolo a ekeitan ka ŋolo a ateran.

Luk. 1:47

elelyani etau kaŋ aŋuna ka Akuj Ekaiunan kaŋ,

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Luk. 1:71

ebe, itemokino iwon itoiun alomoe yok ka anapedor a ŋulu ikiremokino iwon.

Ŋikis. 32:37

Etemari nai iŋes neni kec, ‘Ai eya ŋakujo kus, ai eya ŋakujo ŋuna sek arae ŋakaiunak kus,

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Tito 3:4

Nai ŋina etoodiunere lotuŋa arimao ka amina ŋina ka Akuj Akaiunan yok,

Tito 3:6

Abu Akuj ikilelebik nooi iwon Etau ŋolo Asegan alotooma Yesu Kristo Ekaiunan yok,

Ŋibur. 2:13

Nabo ebala, “Ekinyomi ayoŋ iŋes ka daŋ, ayoŋ lo kaapei ka ŋidwe ŋulu akainaki Akuj ayoŋ.”

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.