2 Sam. 22:25 - Ebaibul

²⁵ Aŋun, akarop ayoŋ Ekapolon aŋuna ka akiyookino kaŋ, akarop iŋes ayoŋ anerae mam ibore ŋini aronon ŋini etiyat ayoŋ.

2 Sam. 22:25 Iomraidhean Croise

2 Sam. 22:21

“Abu Ekapolon okorop ayoŋ aŋuna ka akiyookino kaŋ; abu iŋes okorop ayoŋ alopite a ŋolo emamukar ibore ŋini aronon ŋini etiyat ayoŋ,

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

Ŋakit. 11:31

Einanakinio ŋulu iyookino eropit kec a ne alokwap, aŋun, ipedori iyoŋ ayenun kire jik atemar isicanio ŋulu aronok ka ŋikasecak.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

1 Sam. 26:23

Einanakini Ekapolon ŋinituŋanan eropit keŋ aŋuna eraakar ituŋanan ŋin ŋini iyookino ka ŋini ikinyoma; anerae abu Ekapolon nakoloŋit na ikipotok iyoŋ neni kaŋ, nai abu ayoŋ nyekyaa akan kaŋ okoar iyoŋ ŋolo erae Ekapolon abu itoseu.