2 Sam. 21:9 - Ebaibul

⁹ Inak erwosit ŋidwe ŋul ŋikanikaarei neni a Ŋigibeoni, ido apotu Ŋigibeoni toara ŋidwe ŋul alokiŋaren Ekapolon alomukura a ŋolo ke Ekapolon. Totwaka ikes daadaŋ ŋikanikaarei kaapei. Aaryo ikes ŋirwa ŋulu ka aet, ŋirwa ŋulu isyakinere akilem ŋikinyom ŋulu ikwaan ka erau.

2 Sam. 21:9 Iomraidhean Croise

2 Sam. 21:6

inakinae isua ŋidwe keŋ ŋulusapa ŋikanikaarei toarae alokiŋaren Ekapolon alo Gibeon, alomukura a ŋolo ke Ekapolon.” Abu erwosit tema, “Akainakini ayoŋ iyes ŋidwe a Saul a ŋulusapa ŋikanikaarei.”

2 Sam. 6:17

Yaut ŋituŋa Asaduku ŋina a Ekapolons, tolomuniata tooma, kiwuakis nakibois keŋ ŋina etemokinitoe tooma eema ŋolo egurokinit Daudi nen aŋuna ka Asaduku. Inak Daudi neni ke Ekapolon ŋainakineta ŋuna epeyo ka ŋuna ke ekisil.

2 Sam. 6:21

Tema Daudi neni a Mikal, “Abu ayoŋ edoŋa etopoloorit Ekapolon ŋolo abu okoseu ayoŋ akilo aseun papa kon ka ŋituŋa a ekal keŋ daadaŋ. Abu iŋes okoseu ayoŋ akipuka ŋituŋa keŋ Ŋisirael. Arubakini ayoŋ edoŋae etopoloorit Ekapolon.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 9:31

(Apotu kinyasunos ŋikito ŋulu ekote epamba ŋulu etiyaununuyo ŋausi ŋuna esonyere ŋiboro. Kinyasunos tari ŋikinyom ŋulu ikote erau, anerae akokito ŋikinyom ŋul ka ebutuŋito ŋikito ŋul.

Awos. 9:32

Nai apotu ŋaganoi ka ŋikinyom ŋulu enyaritae ŋikusemae ŋulu ikwaan ka ŋaganoi nyinyasun; anerae elomununuyete ikes kelomut ŋikinyom ŋuluce.)

Ekim. 25:4

Tolimok Ekapolon Moses tema, “Tocunak ŋikarikok a ŋituŋa daadaŋ, toar ikes daadaŋ naparan alokiŋaren Ekapolon, ikotere ejoŋoe Ekapolon aŋoikinit Ŋisirael.”

Ŋikis. 21:22

Ani kesec ituŋanan asecit ŋina emaikina totubokinere iŋes atwanare, ido toarae iŋes, kinenekinoe lokitoe

Rus. 1:22

Epite ŋol iŋes aboŋunio Naomi alo Moab kaapei ka Rus nateran keŋ ŋina arae a Amoabit. Todolut ikes Betelem apaki ŋina esyakinere akilem ŋikinyom ŋulu ikote erau.

1 Sam. 15:33

Nai tema Samuel, “Ikwapei eturuworya ekileŋ kon ŋaberu ŋuna emam ŋidwe, toto kon daŋ emamukaunor ŋidwe.” Abu Samuel toar Agag alokiŋaren Ekapolon alo Giligal.