2 Sam. 21:7 - Ebaibul

⁷ Nai abu erwosit nyipoto Mepiboses lokoku a Yonasan a ŋolo arae lokoku a Saul. Aponi iŋes nyeari aŋuna ka akikoŋet a ŋina aris Yonasan lokoku a Saul ka Daudi kikoŋ make alokiŋaren Ekapolon.

2 Sam. 21:7 Iomraidhean Croise

2 Sam. 16:4

Tema nai erwosit neni a Siba, “Ibore daadaŋ ŋini erae ŋini a Mepiboses, eruwor ŋini kon tokona.” Tema Siba, “Arae ayoŋ eketiyan kon, kimyekinae ayoŋ oruwor ŋolo ajok aneni kon ekapolon kaŋ erwosit.”

2 Sam. 19:25

Ani ebuni iŋes alo Yerusalem akisiryam erwosit, kiŋit erwosit iŋes tema, “Kaanukiro pa ibunio iyoŋ Mepiboses orukosi ka ayoŋ?”

2 Sam. 4:4

Ayakar Yonasan lokoku a Saul ikoku keŋ ŋinisapat ŋini aŋwalito ŋakejen. Aŋwali iŋes erae ŋikaru ŋikan, apaki ŋina adolunioto ŋakiro alo Yesireel atemar aari Saul ka Yonasan. Kebu aberu ŋina erae akedaran iŋes toporunio iŋes toemya, nai anakikirikira kec akiem, kebu ikoku toramakin kwap towana, toŋwal. Arae ekiro a ikoku a ŋin Mepiboses.

2 Sam. 9:1

Kiŋit Daudi ŋituŋa tema, “Eyai mono ituŋanan eriŋa idoŋit alokal a Saul, ŋini apedori ayoŋ arimaanikin aŋuna a Yonasan a?”

2 Sam. 9:10

Eruwor iyoŋ ka ŋidwe kon ŋulusapa ta ŋiketiyak kon itaanakinete iŋes emanikor, ido tolemikis iŋes akimuj alomanikor a ŋol, ikotere lopaapit a ekapolon kon eryamuni ibore ŋini imuji. Nai erubakini Mepiboses lopapait a ekapolon kon ikimuji kaapei ka ayoŋ alomesa ke epei a ŋinakoloŋit,” Apaki ŋin, ayakar Siba ŋidwe keŋ ŋulusapa ŋitomon ka ŋikan ka ŋiketiyak ŋatomoniarei.

2 Sam. 9:6

Ani ebuni Mepiboses lokoku a Yonasan a ŋolo arae lokoku a Saul neni a Daudi, Kijuuru alokiŋaren Daudi itopoloorit Daudi. Tonyara Daudi iŋes tema, “Mepiboses!” Toboŋok iŋes tema, “Ayai, ayoŋ lo eketiyan kon.”

2 Sam. 9:7

Tema Daudi neni keŋ, “Nyikuryaniar, anerae akarimaanikini ayoŋ iyoŋ aŋuna a Yonasan a papa kon ekenyakakini ayoŋ iyoŋ akwap a papaa kon a Saul daadaŋ, ido ikimuji iwon kaapei alomesa ke epei a ŋinakoloŋit.”

Ekal. 8:2

Abala ayoŋ ebe, “Kiwuapa akiciket ŋina a erwosit, ido ani kicamit iyoŋ akikoŋ neni ka Akuj,

1 Sam. 18:3

Tocamunos nai Yonasan ka Daudi, anerae abu Yonasan tominak Daudi lopite ŋolo amininia iŋes bon.

1 Sam. 20:12

Tema Yonasan neni a Daudi, “Ekapolon Akuj a Ŋisirael iŋes eruwor esuuda a ŋakiro a nu, moi taparacu esaa lopei lo, kori akoloŋit ŋina etupakini moi taparacu alimokini ayoŋ papa kaŋ ŋakiro kon, ani kemam ŋuna ikitakadakinitor iŋes iyoŋ, eyakuuni ayoŋ ituŋanan neni kon itolimok iyoŋ ŋakiro.

1 Sam. 20:15

Nyijamak daŋ arimao kon aŋuna ke ekal kaŋ, nyijamak jik tari kemunya Ekapolon ŋimoe kon daadaŋ anakwap.”

1 Sam. 20:17

Kisikoŋ nabo Yonasan Daudi, anerae amina Yonasan Daudi lopite ŋolo aminar iŋes akiyar keŋ ke elope.

1 Sam. 20:42

Tema nai Yonasan neni a Daudi, “Ape ke ekisil, anerae adaun iwon akikoŋ neni a ŋinice alokiro a Ekapolon, ikitema ebe, ‘Ekapolon iŋes eruwor esuuda kaŋ ka iyoŋ ka esuuda a ŋipapae kaŋ ka ŋipapae kon ŋikaru ka ŋikaru.’ ” Tonyou nai Daudi torotok; toboŋo Yonasan lotaun.

1 Sam. 20:8

Aŋun, kitiya ŋuna ka arimao neni kaŋ a eketiyan kon, idau iyoŋ alokiŋaren Ekapolon acamun ka ayoŋ eketiyan kon. Ani kasecit ayoŋ, toarae iyoŋ ayoŋ; kaanukiro ikirikorya iyoŋ ayoŋ neni a papa kon?”

1 Sam. 23:18

Tocamunos ikes ŋuluarei ŋul alokiŋaren Ekapolon. Torubak nai Daudi iboi alotaun a ŋolo anyaritae Ores, ido toboŋo Yonasan lore kec.

1 Sam. 24:22

Abu nai Daudi kikoŋ ŋun alokiŋaren Saul. Torotok nai Saul toboŋo lore keŋ; nai toboŋosi Daudi ka ŋikajiok ŋulu arukito ka iŋes kitipeiyosi naturukanin ŋuna sek aŋopitotor alokamukumukui.