2 Sam. 21:18 - Ebaibul

¹⁸ Ekaku a ejie a ŋol, abu ejie ece toyakaun ka Ŋipilistin aneni anyaritae Gob. Alojie a ŋol, abu Sibecai ŋolo arae Eusasait toar Sap, epei a ŋulu arae lopapait a Ŋirepai.

2 Sam. 21:18 Iomraidhean Croise

2 Sam. 21:16

Ayai etuŋanan epei ŋolo anyaritae Isibibenob, arae iŋes lopapait a Ŋirepai. Ayakar iŋes akwara ŋina etiyaunitae a eburonis, ŋina arae apotis ŋakiloi ŋuna eapiyarito ŋauni ka atutubet, ido ayakar Isibibenob ekileŋ ŋolokitete. Tolimu iŋes atemar aari Daudi.

2 Sam. 21:20

Abu nabo ejie ece toyakaun kidiŋ Ŋisirael ka Ŋipilistin alo Gas, ayai ekile ŋolo aburon a ŋinerin nen, ayakar iŋes ŋimoyo ŋikanikapei a ŋinakan ka a ŋinakeju, arae ŋimoyo keŋ daadaŋ ŋatomoniarei ka ŋiomwon. Arae iŋes daŋ lopapait a Ŋirepai.

2 Sam. 21:22

Arae ŋikilyok ŋuluomwon ŋul ŋipapae a Ŋirepai a ŋulu alo Gas; apotu Daudi ka ŋirukitos keŋ toara ikes.

1 Ŋakiro a ŋirwa 11:29

Sibecai ŋolo alo Usasi, Ilai ŋolo alo Aoi,

1 Ŋakiro a ŋirwa 27:11

Atukot ŋina a ŋakanikauni, alolap a ŋolo a ŋikanikauni, arae Eusait ŋolo anateker a Ŋiserai, ŋolo anyaritae Sibekai iŋes apolokinit. Ayakasi natukot keŋ ŋikilyok ŋalipyo ŋatomoniarei ka ŋaomwon.