2 Sam. 21:17 - Ebaibul

¹⁷ Nai abu Abisai lokoku a Seruia toiu Daudi; kicum a Epilistait kimasak kwap toar. Kikoŋo nai ŋirukitos a Daudi neni a Daudi temasi, “Mam nabo jik nyikirukori iwon lojie, ikotere nyikiari iyoŋ ŋolo irae akoŋu a Ŋisirael.”

2 Sam. 21:17 Iomraidhean Croise

2 Sam. 14:7

Nai tokona erwosit, ekekaloikis ayoŋ aketiyan kon ŋituŋa ŋulu ka ateker kaŋ daadaŋ ebasi, ‘Torikokinae isua esapat ŋolo aari lokaato keŋ, ikotere toarae iŋes daŋ aŋuna aarya lokaato keŋ. Emaikina isua toarae tari ŋolo emaikina erae ekeruman.’ Ecamito ŋituŋa ŋul ademar ayoŋ esapat ŋolo erae akoŋu kaŋ, ecamito akitasalun ekiro, kori ŋiletok alokile kaŋ anakwap a na.”

2 Sam. 18:2

Totyak Daudi ajore keŋ toruwor ŋajorei ŋauni. Abu Yoab topolok ajore apei, topolok Abisai lokoku a Seruia lokaato a Yoab apei ka apei topolok Itai ŋolo arae Egititait. Tema, erwosit neni a ŋajorei, “Ikirukori ayoŋ kaapei ka iyes.”

2 Sam. 18:3

Nai temasi ŋajorei neni keŋ, “Nyemaikina iyoŋ orukosi ka isua lojie, ani acepaki kebwaŋae isua, nyemitakinete ŋimoe akiwuapit isua. Tari daŋ keara ikes atutubet apei alokidiŋ kosi, mam ŋuna apolok nooi, nai epol akiyar kon iloit ŋina a ŋikilyok a ŋalipyo a ŋatomon alokidiŋ kosi. Ejok iyoŋ arubakin iboi alotaun, kiyakuununuye akiŋarakinet neni kosi.”

2 Sam. 22:19

Apotu ikes ekesiiryakis ayoŋ neni aronon akoloŋit ŋina ayakar ayoŋ locan, nai abu Ekapolon okoiu ayoŋ.

2 Sam. 22:29

Okoe Ekapolon, irae iyoŋ etaa kaŋ; isileereununui iyoŋ Ekapolon ŋuna nyileerete anakiyar kaŋ.

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 15:4

Kikote neni daŋ aŋuna a Daudi, abu Ekapolon Akuj keŋ kiturubak ŋituŋa a Daudi eyakasi Yerusalem aŋuna abunio kilunyokinia lokoku keŋ kipuka ka aŋuna abunio kituruworya Yerusalem akibois ŋina emam ituŋanan ereuni.

Ŋikiru. 132:17

Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

Ŋikiru. 144:10

Iyoŋ iinanakini ŋirwosi akiloun ŋimoe kec, iyoŋ ibu toiu Daudi eketiyan kon.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Yer. 40:15

Tolot nai Yoanan lokoku a Karea akisirwor Gedalia alo Misipa anakimunono tema, “Kimyekinae ayoŋ olot oar Isimael lokoku a Nesania ka mam ituŋanan eyenuni ŋakiro ŋun. Kaanukiro elemarya iŋes akiyar kon, ido kielaros Ŋiyudayan daadaŋ ŋulu acunakina neni kon, ido totwaka ŋipiya a Yudaya?”

Yoa. 5:35

Ekwaan Yoana ka etaa ŋolo enepi tocai ka ipotu iyes tolakaros adiotipei anakica keŋ.