2 Sam. 21:16 - Ebaibul

¹⁶ Ayai etuŋanan epei ŋolo anyaritae Isibibenob, arae iŋes lopapait a Ŋirepai. Ayakar iŋes akwara ŋina etiyaunitae a eburonis, ŋina arae apotis ŋakiloi ŋuna eapiyarito ŋauni ka atutubet, ido ayakar Isibibenob ekileŋ ŋolokitete. Tolimu iŋes atemar aari Daudi.

2 Sam. 21:16 Iomraidhean Croise

Akisy. 14:5

Ani edoli ekaru ŋolo a ŋitomon ka ŋiomwon, tocunak Kedorilaomer ŋirwosi ŋulu ariito ka iŋes, kisiiryakis ka toreut ŋituŋa lu: Ŋirepaim alo Asiterosakaranain, Ŋisusim alo Am, Ŋiemim alo Sapekiriasaim

Akisy. 6:4

Ayakasi nakwap apaki ŋin ŋituŋa ŋulu aris kejamuwasi Akuj, ŋulu anyaritae Ŋinepilim. Ayakasi ikes tari apaki ŋina eturuworyata ŋidwe a Set ŋulusapa ŋidwe a ŋituŋa ŋulupesur ŋaberu kec, ŋuna apotu touruut ŋidwe aŋuna kec. Arae Ŋinepilim ŋarwonita ŋuna koloŋ ayakasi nakwap, ŋikilyok ŋulu ayenen.

2 Sam. 21:18

Ekaku a ejie a ŋol, abu ejie ece toyakaun ka Ŋipilistin aneni anyaritae Gob. Alojie a ŋol, abu Sibecai ŋolo arae Eusasait toar Sap, epei a ŋulu arae lopapait a Ŋirepai.

2 Sam. 21:20

Abu nabo ejie ece toyakaun kidiŋ Ŋisirael ka Ŋipilistin alo Gas, ayai ekile ŋolo aburon a ŋinerin nen, ayakar iŋes ŋimoyo ŋikanikapei a ŋinakan ka a ŋinakeju, arae ŋimoyo keŋ daadaŋ ŋatomoniarei ka ŋiomwon. Arae iŋes daŋ lopapait a Ŋirepai.

2 Sam. 21:22

Arae ŋikilyok ŋuluomwon ŋul ŋipapae a Ŋirepai a ŋulu alo Gas; apotu Daudi ka ŋirukitos keŋ toara ikes.

2 Sam. 5:18

Apaki ŋin, keris Ŋipilistin kedolut kielakin nakadipaalat ŋina a Repaim.

Ekim. 13:22

Aŋun apotu ikes kitipeiyosi Negeb, todolo Eburon, Aiman ka Sesai ta Talimai. Arae Ŋianaki ikes eboiyete a nen. (Kedukyo Eburon ŋikaru ŋikanikaarei eriŋa nyeduko Soan alo Ijipit.)

Ekim. 13:28

Nai egogoŋ nooi ŋituŋa ŋulu iboiyete anakwap a ŋin ka ewuatae a ŋarwatatain ŋitaunio kec, nabo nyedisyak ŋitaunio kec ka nabo eŋolikin isua ŋiletok ka Anak aina.

Ŋikis. 1:28

Ai ikilosi iwon? Ikitubulo isua ŋakiro a ŋikaitotoi kosi ŋuna enyakunete ikes anakwap a ŋina alosito akireb ebasi ‘Egogoŋ ŋituŋa ŋulu iboiyete anakwap a ŋin ka eoyak akilo iwon ka daŋ epolok ŋitaunio kec eyakasi ŋaduketa ŋunajiet ŋuna aoyak nooi alokidiama; aponi daŋ isua kiŋolikinae ŋiletok a Ŋianakim.’ ”

Ŋikis. 2:10

(Koloŋ sek eboiyete a nen Ŋiemim ŋituŋa ŋulu agogoŋok ŋulu alalak nooi, ŋulu aburok tooyak ikwa Ŋianakim.

Ŋikis. 2:11

Arae ikes ŋituŋa ŋulu aburok tooyak ikwa Ŋianakim, nai anyarito Ŋimoabi ikes Emim.

Ŋikis. 2:21

arae ikes ŋituŋa ŋulu agogoŋ ka ŋulu alalak nooi tooyak ikwa Ŋianakim. Nai abu Ekapolon tomunya ikes alokiŋaren Ŋiamoni, ikotere edemaryata ikes akwap kec kiboikinos nai ikes nen.

Ŋikis. 3:11

(Erwosit Og bon edoŋit eyari aneni a Ŋirepaim. Ŋuna ileerete ikes nu, tari tokona eyai ekitaada keŋ ŋolo etiyaunitae a ŋasuwa Raba lotaun ŋolo a Ŋiamoni. Erae aoyau ke ekitaada keŋ ŋimitae ŋiomwon ka erae alalau keŋ ŋimitae ŋiarei.)

Ŋikis. 9:2

ŋituŋa ŋulu egogoŋ tooyak, ŋiletok ka Anakim ŋulu iyenete iyes. Iirarito iyes irworoe aŋuna kec ebe, “Ŋae epedori akitijikin Ŋianakim?”

Yos. 11:22

Mam Ŋianakim tari ipei ŋini abu kidoŋ nakwap a Isirael, nai apotu ŋidikudyo kidoŋo Gasa ka Gat ta Acidod.

Yos. 15:14

Abu Kaleb kirit a nen Ŋianakim ŋiuni ŋulu araakasi ŋiletok ka Anak; ŋirorwa kec arae Cecai, Aiman ka Talimai.

1 Sam. 17:7

Atya neni arae amorok ka akwara keŋ ayokot a ŋimoŋin, neni akwanan anakwuara keŋ, arae ŋakiloi ŋuna eapiyarito ŋakanikaarei. Kisiŋaren iŋes esigarit ŋolo atiŋit aupal keŋ.