2 Sam. 20:6 - Ebaibul

⁶ Tema Daudi neni ka Abisai, “Epedori Seba lokoku a Biciri akitiya ŋuna aronok neni yok akilo ŋuna abu Abusalom kitiya. Torukosi ka ŋiketiyak a ekapolon kon, toloto kiwuapakis Seba, acepaki epedori iŋes akikamar aŋuna keŋ ŋitaunio ŋulu awuatae a ŋarwatatain, ido ikiŋopik iwon.”

2 Sam. 20:6 Iomraidhean Croise

2 Sam. 10:14

Ani iŋolikinete Ŋiamoni atemar abwaŋasi Ŋiarameani, tobwaŋas ikes daŋ alokiŋaren Abisai, tolomasi lotaun. Tojoŋo nai Yoab akisiirya Ŋiamoni, toboŋo tolot Yerusalem.

2 Sam. 11:11

Toboŋok Uria Daudi tema, “Eriŋa Asaduku ka Ŋisirael ta ŋituŋa a Yudaya iboiyete aloeemae, nabo Yoab daŋ ekapolon kaŋ ka ŋiketiyak a ekapolon kaŋ, iboiyete aneni elapat anariet. Apedori mono ayoŋ alosit kai kaŋ akimuj ka akimat, ido eryamakinos ka aberu kaŋ? Ekoŋi ayoŋ atemar ani eriŋa iyoŋ iyari, nyetiyakini ayoŋ ŋakiro ŋun.”

2 Sam. 18:12

Nai tema ekile ŋol, “Ee, tari kerae kikiinakinete iyes ayoŋ ŋisilipae aliput, pa kacamu ayoŋ akiar lokoku a erwosit. Abu erwosit ikipupi isua ikicik iyoŋ ka Abisai ta Itai tema, ‘Aŋuna kaŋ, nyiar esorokit Abusalom.’

2 Sam. 18:2

Totyak Daudi ajore keŋ toruwor ŋajorei ŋauni. Abu Yoab topolok ajore apei, topolok Abisai lokoku a Seruia lokaato a Yoab apei ka apei topolok Itai ŋolo arae Egititait. Tema, erwosit neni a ŋajorei, “Ikirukori ayoŋ kaapei ka iyes.”

2 Sam. 19:7

Toloma tokona kiŋa kisimukek ŋasigarya kon. Ekoŋi ayoŋ alokiro ke Ekapolon atemar, ani pa kilomari iyoŋ kiŋa neni kec, mam esigarit idoŋi eriito ka iyoŋ ataboŋ na. Erokyata ŋakiro nu aneni kon, akilo ŋatyokisyo daadaŋ ŋuna idau iyoŋ aryamun ameun ŋinapei anasorokanut kon tari tokona.”

2 Sam. 2:18

Ayakasi lojie ŋol ŋidwe a Seruia ŋulusapa lu: Yoab ka Abisai ta Asael. Apirana Asael nooi ekwaan epirana ka agete.

2 Sam. 21:17

Nai abu Abisai lokoku a Seruia toiu Daudi; kicum a Epilistait kimasak kwap toar. Kikoŋo nai ŋirukitos a Daudi neni a Daudi temasi, “Mam nabo jik nyikirukori iwon lojie, ikotere nyikiari iyoŋ ŋolo irae akoŋu a Ŋisirael.”

2 Sam. 23:18

Arae Abisai lokoku a Seruia lokaato a Yoab iŋes apolokinit ŋikapolok daadaŋ ŋulutomoniuni. Abu Abisai kitiji ŋimoe ŋamiae ŋauni toar ka akwara keŋ, torwoniar iŋes, kikwaanikin arwonu keŋ ka ŋina a ŋuluuni.

2 Sam. 3:30

Kepotu Yoab ka Abisai lokaato keŋ toara Abiner, anerae enyaŋete ikes Asael lokaato kec ŋolo kebu Abiner toar alojie a ŋolo keyai Gibeon.

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 1:33

tema erwosit neni kec, “Torukosi ka ŋiketiyak kaŋ a ekapolon kus, kitodakakisi Solomon lokoku kaŋ aŋole-sigirya kaŋ totiyaarotor iŋes Gion.

1 Ŋakiro a ŋirwa 11:20

Arae Abisai lokaato keŋ a Yoab, ido arae Abisai ekarikon a ŋikapolok a ŋulutomoniuni. Abu Abisai kitiji ŋimoe ŋamiae ŋauni toar ka akwara keŋ, torwoniar iŋes, kikwaanikin arwonu keŋ ka ŋina a ŋuluuni.

1 Ŋakiro a ŋirwa 18:12

Kirirauni sek Daudi esilipa ŋol ka egolid ŋol anakwapin a nu: Alo Edom, alo Moab, aneni a Ŋiamoni, aneni a Ŋipilistin, aneni a Ŋiamaleki ka aloboro a ŋulu aŋatuni iŋes aneni ka Adadeser alokoku a Reob a ŋolo arae erwosit a Soba.

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Mar. 3:24

Akwap ŋina etyakatyakatar ŋituŋa bon, nyepedori akicat.

1 Sam. 26:6

Kiŋit nai Daudi Eitait ŋolo anyaritae Aimelek ka Abisai lokoku a Seruia lokaato a Yoab tema, “Ŋae iyes ikitiyaar ka ayoŋ ama, neni iboiyoto ŋasigarya a Saul, oloto ka ayoŋ neni a Saul?” Toboŋok Abisai tema, “Ikirukori ayoŋ ka iyoŋ.”