2 Sam. 20:23 - Ebaibul

²³ Arae Yoab ekarikon a ŋasigarya a Isirael daadaŋ apaki ŋin; arae Benaia lokoku Yeoiyada arikit ŋasigarya a ŋuna a Ŋikeresi ka ŋuna a Ŋipelesi.

2 Sam. 20:23 Iomraidhean Croise

2 Sam. 20:7

Apotu ŋirukitos a Yoab torotokis akiwuapakin Seba, torukosi ka Ŋikeresi ka Ŋipelesi ta ŋikajiok daadaŋ erae Abisai erikit. Tolomasi ikes alo Yerusalem toloto akiwuapit Seba lokoku a Biciri.

2 Sam. 23:20

Arae Benaia lokoku a Yeoiada ekajion ŋolo adedeŋan ŋolo abunit alo Kabiseel. Etiyae iŋes ŋakiro ŋuna ka aumokin. Abu iŋes toar ŋidwe ka Ariel ŋulusapa ŋiarei ŋulu arae ŋarwonita a Moab. Abu daŋ iŋes akoloŋit apei ŋina alalaata ŋakako, toloma nadui, toar eŋatuny.

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋirw. 1:7

Kepotu Adoniya tocamunos ka Yoab lokoku a Seruia ta esacaradoti Abiasar. Tocamut ŋul akiri ka Adoniya.

1 Ŋirw. 1:8

Nai apotu esacaradoti Sadok ka Benaia lokoku a Yekoiyada ka ekadwaran Nasan ka Semei ka Rei ta ŋikilyok ŋulu ajiok ŋulu arae ŋirukitos a Daudi toŋero akiri ka Adoniya.

1 Ŋirw. 4:1

Erwosit Solomon iŋes apolokinit akwap a Isirael daadaŋ,

2 Ŋirw. 11:4

Ani edolete ŋikaru a Yoas ŋikanikaarei, tonyarau Yeoida ŋolo arae esacaradoti ŋikarikok a ŋasigarya a ŋuna atyakatyakatae erae ŋamiae ka ŋasigarya ŋuna a lowae a ŋolo a ŋayona a ŋuna enyaritae Ŋaceris ta ŋasigarya ŋuna eteok erwosit, aponare Kai ka Akuj. Kiwuak iŋes acamunet kidiŋ keŋ ka ikes, kisikoŋ ikes alo Kai ka Akuj; kitoodiya nai ikes neni a Yoas a lokoku a erwosit.