2 Sam. 20:19 - Ebaibul

¹⁹ Ayoŋ apei ŋina ikiyakar akinapakina ka akikinyoma alo Isirael. Etakani esibit iwarit iyoŋ akinyasun etaun lo ŋolo erae toto a ŋitaunio alo Isirael. Kaanukiro icamitor iyoŋ akinyasun ibore ŋini erae Ekapolon ikiinakini?”

2 Sam. 20:19 Iomraidhean Croise

Akisy. 18:23

Kiyotu Aburaam neni ke Ekapolon tema, “Erae mono kire a? Imunyari mono iyoŋ ŋulu iyookino ka ŋulu itiyaete aronis a?

2 Sam. 14:16

Acepaki ecamuni erwosit alakun ayoŋ aketiyan keŋ anakan a ituŋanan a ŋini ecamit akitasalun ayoŋ ka lokoku kaŋ ka alemar isua anakwap a ŋina abu Akuj inak ŋituŋa keŋ.’

2 Sam. 17:16

Kiyakiyasi akirot atipei tolimokis Daudi ebe, ‘Nyipero lolo nakwaare lodoketa a ŋayona a ŋuna analoŋisat, totuboros a nen atipei nyiŋodiŋoda, acepaki emunyaryo erwosit kaapei ka ŋirukitos keŋ daadaŋ a nen.’ ”

2 Sam. 20:18

Tema nai aberu ŋin, “Abasi koloŋ sek ŋituŋa ebe, ‘Kimyekisi ikes kiŋita ŋuna ecamito alo Abel’; iŋes nai irworiuniata ikes kinapakis ŋakiro.

2 Sam. 20:20

Toboŋok Yoab tema, “Nyikiryama ca ayoŋ ka ŋun, toriwo ŋun, nyeelielaari, kori nyenyasuni ayoŋ iŋes!

2 Sam. 21:3

Kiŋit Daudi Ŋigibeoni tema, “Anukiro emaikina ayoŋ etiya aŋuna kus? Alipite alemarya ayoŋ asecit, ikotere iyes igatakinete ŋarereŋisyo neni a ŋituŋa a ŋulu erae ŋituŋa a Ekapolon?”

1 Ŋirw. 8:53

anerae iseta iyoŋ ikes a lotuŋa a daadaŋ a ŋulu a ŋakwapin, aruwor ŋituŋa kon a alope, ikwapei iikinitor iyoŋ ikes aneni a Moses a aketiyan kon, apaki ŋina iyaunia iyoŋ atapapaa kosi alo Ijipit.”

Ŋikiru. 106:5

ikotere ayoŋ eŋolikini ŋituŋa kon ŋulu seuna, ikotere alelyani analakara a ŋituŋa a ŋulu ka akwap kon, emorikinos ka ikes ikipuro iyoŋ.

Ŋikiru. 124:3

apaki ŋina aŋoeta ikes nooi aŋuna yok, kikimunyarito iwon ŋimoe ŋul;

Ŋikiru. 33:12

Erereŋ akwap ŋina erae Akuj Ekapolon keŋ erereŋ ŋituŋa ŋulu aseu Ekapolon aruwor ŋituŋa keŋ.

Ŋikiru. 78:71

yau iŋes anaraakau ekeyokon ŋolo a ŋamesekin, kituruwo iŋes ekeyokon ŋolo a ŋituŋa keŋ a ŋulu a Isirael.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Ekim. 16:32

kiyuuwaar ikes daadaŋ tooma kaapei ka ŋituŋa kec ta ŋiboro kec, toloma tari Kora ka ŋituŋa keŋ daadaŋ ta ŋiboro keŋ daadaŋ nalup.

Ekim. 26:10

Apotu ikes kiyuuwaar tooma nalup, tolomasi ikes daadaŋ nalup kaapei ka Kora ŋolo apotu ŋirukitos keŋ totwaka apaki ŋina anomiyarya akim ŋikilyok ŋulu arae ekimar kec ŋamiae ŋaarei ka ŋatomonikan; apotu ŋun toruworos akitoodikinet aneni a Ŋisirael.

1 Ŋikor. 15:54

Aŋun nai, kedau akinyasuno akilocokin toruwor ŋina nyinyasun ka ibore ŋini etwani toruwor ŋini nyetwani jik, iyookin nai Ŋakigireta ŋuna ebasi, “Adaun atwanare akinyasun; eloun, erikakin!

2 Ŋikor. 5:4

Anerae, ani eriŋa iwon ikiya loeema lo, ŋolo ka akwap a na, ikirurumae ka ikiridakinitae; meere aŋuna ikicamitor alemar ekuwane lo ŋolo ka akwap, nai ikicamit iwon onapa ŋawat ŋuna nyesalunete, ikotere kiliko akiyar ŋina nyesaluni akuwan ŋina esaluni.

Ŋikis. 20:10

Ani iyapikinete iyes etaun edio aŋuna ka akitijikin ŋituŋa keŋ, kiŋita mono ikes kecamito ekisil.

Ŋikis. 32:9

Erae ŋituŋa a Isirael ŋulu keŋ, eturuwo iŋes ŋiletok a Yakob ŋulu keŋ.

1 Tim. 2:2

aŋuna a ŋirwosi ka aŋuna a daadaŋ a ŋulu einakinitae apolou, ikotere nai ikiboi iwon anakiyar a ŋina inapakina ka ŋina isilit; ŋina ecamit Akuj ka alopitesyo a ŋulu ajokak.

Ŋikat. 5:7

Apotu ŋitaunio alo Isirael toruwor ŋulu imyekinitae, apotu kidoŋo eororete akitodol ŋina ebunio iyoŋ Debora, akitodol ŋina ibunio iyoŋ Debora ikwa toto a Ŋisirael.

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’