2 Sam. 20:16 - Ebaibul

¹⁶ Abu nai aberu ŋina aos alotaun a ŋol kiworou tema, “Topupokisi! Topupokisi! Tolimokisi Yoab ebe, ‘Bua laalo, acamit ayoŋ akirworikin ka iyoŋ’”

2 Sam. 20:16 Iomraidhean Croise

2 Sam. 14:2

Aŋun, abu Yoab kiyakiya ituŋanan ice Tekoa ayaun aberu ŋina aoson a nen. Tema Yoab neni ka aberu a ŋin, “Kiredak, totakan esibit igworo ituŋanan ŋini atwana, tonap ŋilowi ŋulu kigworet, nyiosakin akimyet adio, nai kitoodiu ŋipitesyo daadaŋ ŋulu esibitor kigwor iyoŋ ŋirwa ŋulu alalak aŋuna a ituŋanan a ŋini etwanit.

2 Sam. 20:17

Bu Yoab diyete aberu ŋin, ido kiŋit aberu ŋin iŋes tema, “Irae iyoŋ Yoab a?” Toboŋok Yoab tema, “Arae.” Tema nai iŋes neni a Yoab, “Kiira ŋakiro nu ŋuna alimuni ayoŋ aketiyan kon.” Toboŋok Yoab tema, “Apupokinit ayoŋ.”

2 Sam. 20:22

Tolot nai aberu ŋin lotuŋa daadaŋ ŋulu aya lotaun, ayakar iŋes akirot ŋina ka aosou ŋina ayeunit iŋes. Apotu ŋituŋa ŋul totubut akou a Seba alokoku a Biciri, kimasut kiŋa neni a Yoab. Aŋun, abu Yoab tokutak aburereryaŋ a emesek, ido torotokis a nen, kimyekis etaun, toboŋosi ŋituŋa ŋuluce daadaŋ lorerya kec, nai abu Yoab toboŋo Yerusalem neni a erwosit.

Dan. 2:14

Abu nai Daniel alotooma aosou ka apatanu tolot neni ka Arioc a ŋolo arae ekapolokiniton a ŋasigarya a ŋuna iyokiyete erwosit, a ŋolo alosit akiar ŋikaosok alo Babilon.

1 Sam. 25:3

Arae ekiro a ekile a ŋol Nabal, ido arae ekiro ŋolo ka aberu keŋ Abigail. Aos Abigail ka arae aberu ŋina ebusan; nai lokile keŋ, ŋolo arae Ekalebit, arae a kile ŋolo adedeŋ ka arono.