2 Sam. 20:15 - Ebaibul

¹⁵ Tosutut ŋasigarya a Yoab daadaŋ, kirikaut Seba alo Abel alore a ŋolo ayai Bes-Maaka. Totuko ikes ŋamoru ŋinapei alokwap arwatata a etaun tari kidiama kiriyanikin ka arwatata, ido tobokete ŋice arwatata alokwap ikotere eramakin kwap.

2 Sam. 20:15 Iomraidhean Croise

2 Sam. 20:14

Kebu Seba kiropiropoo anatekerin a Ŋisirael a daadaŋ tolot tari Abel lore ŋolo ayai Bes-Maaka; ani iirarete Ŋiberi ŋakiro ŋun, kepotu tocunakinos iwapei kiwuapasi Seba Abel.

1 Ŋirw. 15:20

Kiira Ben-Adad ŋakiro ka Asa a erwosit, ido kiyakiya ŋikarikok a ŋajorei keŋ akirem ŋitaunio ŋulu a Isirael. Toreu iŋes ŋitaunio lu: Ijon, Dan, Abel-Bes-Maaka ka akwap ŋina anyaritae Keneres daadaŋ ta akwap a Naputali daadaŋ.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 19:32

“Aŋun, ŋuna irworo Ekapolon a ŋuna ke erwosit a ŋolo ka Asiriya ikes nu: ‘Nyelomuni iŋes lotaun lo, nyegumuni iŋes ekaleŋeleŋet ne, nyedoluni iŋes lotaun lo eyakar aupala, nyedukokini neni edokarere lotaun.’

Ekal. 9:14

Ayai koloŋ etaun ŋolo adit, ŋolo akudyoko ŋituŋa ŋulu eboiyete alotooma keŋ. Abu erwosit ŋolo ajiono kisiiryak ŋituŋa a etaun a ŋol, kisiryam ŋajorei keŋ etaun cib, toduk ŋidoketa kiŋa arwatata a etaun a ŋol.

Isa. 37:33

“Aŋun, ŋakiro ŋuna alimu Ekapolon aŋuna ke erwosit ka Asiriya ikes nu: Nyelomuni iŋes lotaun lo, nyegumuni iŋes ekaleŋeleŋet ne eyakar aupal, kori nyedukokini adoket ne ŋina edokarere lotaun.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 33:4

Alimu ayoŋ Ekapolon, Akuj a Ŋisirael aŋuna a ŋakais a etaun a lo ka aŋuna a ŋakais a ŋirwosi a Yudaya a ŋuna aponi toritaarae aŋuna ka adukio arwatata ŋinakiretakinet ŋimoe ŋulu erikaunito etaun ka aŋuna ka ajio.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Esek. 4:2

Kisitiya ŋitorubei lu akitoodiunia akirikauno a Yerusalem: Kiwuak ibore ŋini irikaunit amatapal ŋin, kiwuak akititis ŋina edokarit narwatata ke etaun, totukono ŋiboorei ŋulu esibit ŋituŋa ŋulu eurumikinito etaun ŋol ka kiwuanak nawaetin a etaun a ŋol daadaŋ ŋiboorei ŋulubwaŋabwaŋaet arwatata keŋ.

Luk. 19:43

Epote ŋirwa ŋulu ikirikauniata iyes ŋimoi kus itoroosi alowaetin a daadaŋ.