2 Sam. 20:13 - Ebaibul

¹³ Ani kedaun alemar akuwan ka Amasa alorot, torotokis ŋituŋa daadaŋ kiwuapakis Yoab, toloto akiwuapit Seba lokoku a Biciri.

2 Sam. 20:13 Iomraidhean Croise

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

2 Sam. 20:11

Toriwo erukitos a Yoab epei ka Amasa tema, “Ituŋanan daadaŋ ŋini eriito ka Yoab, kori ka Daudi, kimyekisi iŋes toriwo ka Yoab.”

2 Sam. 20:14

Kebu Seba kiropiropoo anatekerin a Ŋisirael a daadaŋ tolot tari Abel lore ŋolo ayai Bes-Maaka; ani iirarete Ŋiberi ŋakiro ŋun, kepotu tocunakinos iwapei kiwuapasi Seba Abel.

2 Ŋirw. 18:17

Kiyakiya erwosit ŋolo ka Asiriya neni ke Esekia a ŋolo ayai Yerusalem ŋikapolok ŋulu a ŋasigarya keŋ ŋiuni, ŋolo apolokinit daadaŋ ka ŋolo ewuapit ŋol ta ŋolo apol alojie. Arukito ikes ka ŋasigarya ŋuna alalak nooi ŋuna arukorete ka ikes alotaun Lakis. Potu ikes tari Yerusalem, towua anadoketa aŋuna ka abwal a ŋina ayai neni amukur, lorukude ŋolo alosi neni adonyere ŋilowi.

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Isa. 36:2

Abu erwosit ka Asiriya kiyakiya alo Lakis ekapolon a ŋasigarya keŋ ka ŋasigarya ŋuna alalak neni a erwosit Esekia a ŋolo a Yerusalem. Abu ekapolon ŋol tolot towo alodiyete akitelosit a abwal a ŋina alokidiama, alorot a ŋolo elosere neni adonyere ŋilowi.

Isa. 62:10

“Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.

Isa. 7:3

Tolimok nai Ekapolon Isaya tema, Toloto ka lokoku kon Sear-Yasub kisiryama Aas anakisalet a edoket a ŋolo elosere neni eya ŋakipi anabwal a ŋina alokidiama a ŋina eyai lorot ŋolo elosere neni ilosyata ŋiketiyak ŋilowi,

Yer. 31:21

Toryamutu aŋuna kus ŋakitoodyanakineta ŋuna ikitenarete neni icamit alosit, kiwuakisi aŋuna kus ŋakitoodyanakineta lorotin, toanyutu erot ŋolo ipotu iyes kiwuapa apaki ŋina irotokinioto iyes. Okoe Ŋisirael, toboŋutu, toboŋutu nege lotaunio kus.

Ekim. 20:19

Tolimokis Ŋisirael ikes temasi, “Iwuapakinio ro isua erot bon, ido ani kemasi isua kaapei ka ŋibaren kosi ŋakipi kus, itemokino isua ikisicani a ŋun. Ekudyoko ro ŋakiro nu, kimyekinae ro iyes isua totuboretei.”

Mar. 10:46

Todolut Yesu ka ŋikeekasyomak Yeriko; ani erotokinete ikes a nen erukito ka asepic ŋina alalan, bu lokoku a Timayo ŋolo anyaritae Batimayo, ŋolo amudukana, kiboikin nawae erot ilipanar.

Ŋikat. 21:19

Aŋun, tolimut ikes temasi, “Kiirasi itiyao tokona alo Silo ŋasuban a Ekapolon ŋuna itiyaeneneo a ŋolokaru. Erae Silo etaun ŋolo apolon ŋolo eyai Kuju Besel, Kide erot ŋolo apolon ŋolo itipeiyorere Besel tari Sekem ka eyai Kwap Lebona.”

1 Sam. 6:12

Torotokis ŋaatuk ŋun, kidiiriyasi Bes-Semes emeto erot, erwosi erot daadaŋ. Nyeriwo ikes alorot teten, kori kedyeny, kiwuapasi ŋikapolok a Ŋipilistin ŋaatuk ŋun tari lokukoru ŋolo a Bes-Semes.