2 Sam. 2:5 - Ebaibul

⁵ Kiyakiya Daudi ŋituŋa neni a ŋituŋa a Yabes-Gilead, tema neni kec, “Ikiterereŋ iyes Ekapolon, anerae ipotu iyes kitoodiut akitopoloorit kus Saul ekapolon kus, ido ipotu tonuka iŋes.

2 Sam. 2:5 Iomraidhean Croise

Akisy. 14:19

Ikiterereŋ Melekisedek Aburam tema, “Ikiterereŋ iyoŋ Aburam Akuj ŋina alokidiama nooi, ŋina asubi nakuj ka akwap;

Akisy. 14:22

Nai tolimok Aburam erwosit ŋolo a Sodoma ŋol tema, “Adau ayoŋ akikoŋ neni ke Ekapolon ka Akuj a ŋina alokidiama nooi a ŋina asubi nakuj ka akwap,

2 Sam. 15:20

Ariŋa iyoŋ bien idoluni ne, ido ekokini ayoŋ akacamakini iyoŋ apaki na alosit ka isua neni daadaŋ alosi ayoŋ ai? Toboŋo, kinyaka ŋiyeneta kon. Elipi ayoŋ Ekapolon itominak iyoŋ a amina keŋ a ŋina nyiryaŋiryaŋa, toruwor ŋolo ikinyoma aneni kon.”

2 Sam. 21:12

abu Daudi tolot kijau ŋakoyo a Saul ka ŋuna a Yonasan alokoku keŋ aneni a ŋituŋa a Yabes-Gilead a ŋulu kepotu tokokoiyasi ŋakoyo ŋun aneni atukonokin ŋituŋa alo Bes-San. Arae nen apotu Ŋipilistin kinenekis ŋawat kec akoloŋit ŋina aaryata ikes Saul alo Gilboa.

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Yos. 2:14

Tolimokis ŋikilyok ŋul iŋes temasi, “Tolema Akuj akiyar kosi pa kikitiya ŋuna ikidau akiikin. Nai nyikilimo isua, ikirimaaniar isua neni kon apaki ŋina ikiinia Ekapolon isua akwap na.”

Ŋikat. 21:8

Tolimut nai ikes iŋitasi temasi, “Eyai mono ituŋanan idio alotooma ŋituŋa a ŋikabilae a Ŋisirael ŋini nyitipeunit Misipa neni ke Ekapolon a?” Aponi toryamunae atemar mam ituŋanan alo Yabes-Gilead ŋini ebunit natukot neni eboikino ŋituŋa.

Rus. 1:8

Ani eya ikes lorot, tolimok Naomi ŋaterak keŋ ŋunaarei ŋun tema, “Toloto, toboŋo ŋinituŋanan lore a toto keŋ, ikidar Akuj iyes ka arimao, lopite ŋolo iponiata iyes kitiyata neni a ŋulu atwaka ka neni kaŋ daŋ.

Rus. 2:20

Tolimok Naomi nateran keŋ tema, “Kiterereŋ Akuj ekile ŋol, anerae nyimuryakina iŋes arimao keŋ neni a ŋulu eyarete ka ŋulu atwaka.” Tema Naomi neni a Rus, “Erae ekile ŋol eyenet yok, epei ŋolo eyakar apedor akiuryar iwon.”

Rus. 3:10

Tolimok Boas Rus tema, “Ikiterereŋ Akuj iyoŋ nakoku, anerae itoodiu iyoŋ ejok nooi arimao kon apaki na akilo ŋina ibunio iyoŋ kimiidikin neni a tata kon, kimyek ibore daadaŋ. Nyeloto iyoŋ neni a ŋisorok, kekulyakaka kori kebarito.

1 Sam. 11:1

Kelunyar apaki ŋina aapiyarit elap epei, abu Naas erwosit ŋolo a Ŋiamoni tolot akirikaun Yabes-Gilead. Kimaimaa ŋikilyok ŋulu aya Yabes-Gilead Naas temasi, “Ocamunos kare ca ka isua, ido eruworoe isua ŋiketiyak kon.”

1 Sam. 11:9

Temasi ikes neni a ŋituŋa a ŋulu eyakuunitae alo Yabes, “Apesi tolimokisi ŋituŋa ŋulu alo Yabes-Gilead ebe, ‘Ikiunio iyes moi taparacu apaki ŋina emwanunia akoloŋ.’” Ani epote ŋikiyakia ŋul, elimokinete ŋituŋa a Yabes ŋakiro ŋun, tolelyana nooi ŋituŋa a Yabes.

1 Sam. 15:13

Ani edoli Samuel neni a Saul, tema Saul, “Ikiterereŋ iyoŋ Ekapolon; adau ayoŋ akiwuap ŋuna ekecikit ayoŋ Ekapolon.”

1 Sam. 23:21

Tema Saul neni kec, “Ikiterereŋ Ekapolon iyes aŋuna ka amina kus neni kaŋ.

1 Sam. 24:19

Ŋae ŋinapei koloŋ ituŋanan ŋini ani keryamu emoit kimyek tolot emam ŋace? Aŋun, agasi ayoŋ ikiinak iyoŋ Ekapolon ŋuna ajokak aŋuna idau iyoŋ akitiya neni kaŋ nakoloŋit na.