2 Sam. 19:5 - Ebaibul

⁵ Abu nai Yoab toloma kai a erwosit, tolot neni a erwosit tema, “Isurum iyoŋ ŋasigarya kon daadaŋ ŋileec nakoloŋit na, adaut ikes aiun akiyar kon, akiyar a ŋidwe kon a ŋulusapa ka ŋulupesur ka akiyar a ŋaberu kon a ŋuna iitit ka ŋuna nyiitit.

2 Sam. 19:5 Iomraidhean Croise

2 Sam. 15:30

Nai torotok Daudi a nen, kitipek emoru a ŋikito a ŋulu enyaritae Olipa, igworo elosi pa enapit ŋamuk; kimukite akou. Emukito ŋituŋa daadaŋ ŋulu arukito ka iŋes ŋakyes, kigworosi itipeete emoru.

2 Sam. 18:17

Todakasi ikes akuwan ka Abusalom kimasakis nadui ŋina ayai namoni, ido tocakakis ŋamoru ŋuna alalak kidiama keŋ. Toema Ŋisirael daadaŋ ŋinituŋanan lore keŋ.

2 Sam. 19:13

Kicik Daudi ŋikiakia ŋul tema, ‘Kiŋita Amasa atemar, meere mono iyoŋ akuwan ka ŋaokot kaŋ a? Elipi ayoŋ Akuj kitiya ŋuna aronok neni kaŋ, tari daŋ kerae ŋuna aronok nooi, erae keketuruwo ayoŋ iyoŋ ekarikon a ŋasigarya kilunyokin lorot a Yoab.’ ”

2 Sam. 19:4

Kimuko erwosit ereet keŋ, kiworou nooi tema, “Okoe lokoku kaŋ Abusalom! Okoe Abusalom, lokoku kaŋ, lokoku kaŋ!”

2 Sam. 19:6

Imina iyoŋ ŋituŋa ŋulu ikiremokino iyoŋ, ido iremokino ŋulu ikiminasi iyoŋ. Isileereu iyoŋ nakoloŋit na atemar, ŋicaryo aneni kon ŋikarikok a ŋasigarya kon ka ŋasigarya kon. Aanyu ayoŋ atemar kerae toyari Abusalom nakoloŋit na, ido totwakitetei isua ŋuluce daadaŋ kilakara iyoŋ.

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋikiru. 3:8

Neni kon Ekapolon ebunitor aiuno; elipi min arereŋu kon neni a ŋituŋa kon.