2 Sam. 19:43 - Ebaibul

⁴³ Toboŋokis nai Ŋisirael ŋituŋa a Yudaya temasi, “Ŋiboro ŋitomon emaikina isua oryamutu aneni a erwosit adepar ŋulu iryamunete iyes; meere ŋun bon, erae Daudi ŋolo kosi akilo iyes. Aŋun, kaanukiro ikijamuwaritotor iyes isua? Meere isua ikisyauni akirworo ŋakiro ŋuna ka akinyakun erwosit a?” Nai apotu ŋituŋa a Yudaya toboŋokis ŋakiŋiseta ŋun eryenyaaka nooi akilo Ŋisirael.

2 Sam. 19:43 Iomraidhean Croise

2 Sam. 19:14

Abu Amasa kimaimau ŋituŋa a Yudaya daadaŋ kimorik, ido apotu kiyakiyasi akirot neni a erwosit temasi, “Toboŋutu iyoŋ kaapei ka ŋiketiyak kon.”

2 Sam. 19:9

Ayai akiŋuruŋura neni a Ŋisirael a daadaŋ apaki ŋin; ŋulutuŋa anateker kec ebasi, “Abu erwosit itoiu iwon anakan a ŋimoe yok; iŋes abu itoiu iwon anakan a Ŋipilistin. Nai tokona aem iŋes anakwap keŋ aŋuna ka Abusalom;

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

2 Sam. 20:6

Tema Daudi neni ka Abisai, “Epedori Seba lokoku a Biciri akitiya ŋuna aronok neni yok akilo ŋuna abu Abusalom kitiya. Torukosi ka ŋiketiyak a ekapolon kon, toloto kiwuapakis Seba, acepaki epedori iŋes akikamar aŋuna keŋ ŋitaunio ŋulu awuatae a ŋarwatatain, ido ikiŋopik iwon.”

2 Sam. 5:1

Ekaku a ŋun, tocunun ŋatekerin a Isirael daadaŋ Eburon neni a Daudi temasi, “Kiira, ikirae isua akuwan kon ka ŋaokot kon.

1 Ŋirw. 12:16

Ani eyenunete Ŋisirael daadaŋ atemar aŋer erwosit akiirar ŋakiro kec, toboŋokis ikes erwosit temasi, “Nyo mono yok kona ejok eyai neni a Daudi? Mam ibore emaikina eruwor ŋini yok aneni a lokoku a Yese. Iyes Ŋisirael, emaikina ŋinituŋanan toboŋo lore keŋ! Okoe Daudi kite tokona ŋituŋa a ekal kon ke elope!” Aŋun, apotu Ŋisirael toboŋosi lorerya kec.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Ŋakit. 15:1

Isililiŋiyari aboŋokinet ŋina iapunitae anyunyura, nai isiwuaŋi akikirikira akirworikin anyunyura.

Ŋakit. 17:14

Ikoni akisyakin ebura apunor ŋakipi anamatata, aŋun, tojoŋo erwor eriŋa nyiburakina.

Ŋakit. 18:19

Kiŋarak ŋiyeneta kon, ikiunete ikes iyoŋ lopite ŋolo eiunia arwatata ŋina agogoŋon ŋituŋa alotaun, nai ani kiburaete iyoŋ ka ikes, ikigolorete ikes iyoŋ anakibois kec.

Ŋirom. 12:21

Kiurya ŋuna aronok nyikireut iyoŋ, nai toreu ikes kan ajokis.

Ŋigal. 5:15

Nai ani kitiyaete iyes ikwa ŋityaŋ ŋulu ka ariet ŋulu ekonyokonyasi ka tonyamas make, tocoito nai nyirikarosi make.

Ŋigal. 5:20

akilip neni a ŋakujo, akikukuja, aremo, ebura, arorokanut, aŋoit, amarya, atyakatyaka aŋuna ka agelegelya a ŋatameta, atyakatyaka aŋuna a ŋatukon,

Ŋigal. 5:26

Nyitemokino eturokinos kori obenyununos make kori erakanaros make aŋuna a ŋuluce.

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Yak. 1:20

Anerae nyitiyae ituŋanan ŋini eŋoit ŋuna ka akiyookino aneni ka Akuj.

Ŋikat. 8:1

Apotu nai ŋituŋa a ekabila a Epuraim tolimokis Gideon temasi, “Anukiro nu ŋuna itiya iyoŋ neni kosi? Kaanukiro pa ikinyaraa iyoŋ isua apaki ŋina ilosyo iyoŋ akitijikin Ŋimidian?” Apotu ikes kisiburata Gideon nooi.

Ŋikat. 9:23

Nai abu Akuj kitidiŋak Abimelek ka ŋikapolok a Sekem, tolukis ŋikapolok a Sekem Abimelek.